影片
更多
2019-05-28
141 浏览
閨蜜係外國返黎，咁耐無見，決定一齊去利東街附近食好西，update下近況。呢間餐廳之前已經聽過，係主打食海鮮同埋熟成牛扒。出左糧，就黎豪食一餐。Foie Gras ($188)一粒粒鵝肝圍住一隻半熟蛋。侍應特別提醒鵝肝要趁熱食，如果唔係就會腥架啦。鵝肝用上砵酒整，更加強化甜度，點啲蛋液，熱辣辣入口，味道果然豐富。Scallop Salad ($198)上面有啲希臘芝士，個底就係椰菜花蓉，係比較健康既沙律醬。主角帶子好彈牙，亦有燒過之後鮮味更出，係一到開胃既前菜。Japanese Cod Fish ($280)銀鱈魚要煎得好食而又唔散開，真係幾考功夫架。呢度完全做到，配上番茄粒同乾蔥，仲有第一次見既青口汁，令銀鱈魚既鮮味更加提升，絕對無浪費到咁新鮮既魚啊。Langustines 300g ($368)Langustines中文名係海螯蝦，又名小龍蝦，今晚試既係來自紐西蘭既品種Scampi，肉質比龍蝦更加嫩滑鮮甜，落埋呢度特制既白蒜汁，簡直一試就愛上。Prime CAB Striploin Dry Aged 30 days 250g ($445)呢度有分30日或者45日熟成。45日既實在有
Foie Gras ($188)
一粒粒鵝肝圍住一隻半熟蛋。侍應特別提醒鵝肝要趁熱食，如果唔係就會腥架啦。鵝肝用上砵酒整，更加強化甜度，點啲蛋液，熱辣辣入口，味道果然豐富。
Scallop Salad ($198)
上面有啲希臘芝士，個底就係椰菜花蓉，係比較健康既沙律醬。主角帶子好彈牙，亦有燒過之後鮮味更出，係一到開胃既前菜。
Japanese Cod Fish ($280)
銀鱈魚要煎得好食而又唔散開，真係幾考功夫架。呢度完全做到，配上番茄粒同乾蔥，仲有第一次見既青口汁，令銀鱈魚既鮮味更加提升，絕對無浪費到咁新鮮既魚啊。
Langustines 300g ($368)
Langustines中文名係海螯蝦，又名小龍蝦，今晚試既係來自紐西蘭既品種Scampi，肉質比龍蝦更加嫩滑鮮甜，落埋呢度特制既白蒜汁，簡直一試就愛上。
Prime CAB Striploin Dry Aged 30 days 250g ($445)
呢度有分30日或者45日熟成。45日既實在有啲貴，我地就揀左30日黎試。原來用既西冷係來自美國牛肉巨頭Greater Omaha，餐廳又點會浪費咁高質既食材。呢度特別用左熟成既方法，將西冷放係2.4度既熟成櫃入面30日。係熟成期間，牛肉表面會風乾，底下未乾既牛肉既肉汁就更能被鎖住。熟成期間，牛肉既蛋白酵素會慢慢崩解牛肉纖維，令肉質軟化，令牛肉變得更嫩。Dry aged 既牛用medium rare處理，就夠曬完美。加上白蒜醬，牛味十足，而且嫩滑無比，係人生一大嘗試。
Mocha Semifreddo ($68)
本身係超鍾意咖啡，每日至少一杯，所以特別好咖啡類甜品。呢個semifreddo就啱曬我。一來本身好有心用咖啡杯裝，仲連埋調羹上似模似樣，二來可以親手淋啲espresso落個去，期間聞到陣陣咖啡既aroma，影相錄片都一流。semifreddo口感係mousse同雪糕之間，加上流質既咖啡，可以一啖滑入口。semifreddo既甜味做底，所以咖啡既味道更加出。
Chocolate tiramisu ($78)
呢個朱古力味比較重，中間帶少少酒味同埋少少nutty。個tiramisu係比較實既，唔會好airy，用個大羹一大啖入口，真係超滿足。
呢度既格局非常浪漫，枱與枱之間隔好遠，好適合慶祝生日或者週年紀念日。第日有機會一定再黎。
問番原來係新menu黎既，我地真係好彩，試到新野。
张贴
