熊野日本料理 (已結業)

熊野充滿日式情懷 鰻魚手卷正呀大圍除左踩單車，一般都好少去，但其實大圍站附近都有好多美食，係月台個陣都想逐間食哂，日本野梗係賣飛弗啦睇下餐牌，價錢都唔算太平，但鄰近地鐵站，裝飾雅緻，好寧靜舒適既日式風格，充滿日式情懷，有種辛苦過後，可以好好嘆一餐既感覺蟹籽沙律，天氣咁熱，開胃既涼拌沙律，味道唔錯，兩人份量，好fresh好清新。鹽燒青魚，性價比好，$60幾蚊條，都好香好嫩滑，都幾大條，無加檸檬汁都無腥味，魚還是原汁原味好！魚生分別有基本同特上分，兩人食可以樣樣食d，特上我見人地叫左，賣相非常吸引，下次可以試下，基本都有三文魚、蝦、吞拿魚、八爪魚，唔錯唔錯但個人就貪心d，所以下次要叫特上，更加滿足！三文魚炒飯，份量大碟，唔油膩，都足料，食埋呢個開始飽。呢個真係好正，鰻魚手卷都係$50，好大舊鰻魚係入面，價錢唔算太貴，每啖都咬到。食完再想食呢個都係驚喜之作，炸蘆筍，日式炸物就係炸左都唔覺油膩，會搵返蔬菜balance返！佢特登加d蕃茄汁酸酸地，好夾，有6舊咁多！最後黑芝麻雪糕配上好多粒紅豆，係好多，好正！