熊野日本料理

因為食評好，所以同太太試試。點了1）海膽丼 $138，2）時令魚頭湯 $98，3)眀太子雞翼 $68，4)鹽烤牛舌 $68。1）海膽是幾好食的，但份量非常之少，比它照片上的三分之一也沒有，肯定是虛假廣告。2）魚頭湯點之前已問過份量，回覆是一整個魚頭，但送到來也只是半個，但問題是味道。湯很甜，因為糖放得太多⋯。3)雞翼有三隻，但明太子不是真正的明太子，混雜了很多其他材料。真正喜歡食明太子雞翼的朋友，可能會有點失望。4）鹽燒牛舌味道可以，份量六小片。總結：物非所值。食咗四百幾，仲唔俾用信用卡。$500先可以用。吹脹！…查看更多

中午同屋企人黎到大圍搵食，見到有間新左冇耐既日本餐廳就決定試下。我地點左安格斯牛肉烏冬，賣相尚可，定食包埋沙律、漬物、麵豉湯 ，一人份量算不錯，細食既可能會食唔哂。湯底清但未算好甜，雖然安格斯牛肉但又唔算太有驚喜，但$60已經是不錯的選擇，至於烏冬是偏軟少少彈牙，不錯，但我較為喜歡彈牙多些。我地仲叫左個溫泉蛋豚肉生薑飯，豚肉唔算特别，但撈埋蛋同豚肉食，真係送飯一流！！黎到值得一試。餐牌仲有其他選擇，好似魚生、豬、雞，價錢 + 份量絕對親民。午市選擇唔多，但晚市好似仲有燒物食，一於下次再黎試過…查看更多

大圍都幾多食肆，但日本餐廳應該得2-3間，如果要食有魚生的，好似得呢間及雲疊花園有一間！呢間食物質素唔錯，但午餐價錢唔算平！建議坐得舒服要選坐樓下唔好坐樓上！服務質素有待改善！…查看更多

今個星期日，沒有外出，宅在男友家煲劇。男朋友前一晚打通宵機，睡到日上三干，一起床就嘈著要吃東西，我這個奴婢煲劇又沒有準備午餐😂，只好落樓找東西吃😌。男友家住大圍，附近一帶的茶記都吃過，反而這家位於火車站對面的熊野倒沒有嚐過，於是就入了去。店內燈火不算多，大玻璃採光，因此很光猛，可能因為日間的關係，我倒覺得沒有居酒屋感覺，反而覺得挺溫暖。內裡有個大的擺設架，放有不少日式且古式古香的酒樽，小擺設等，令店內呈現日式家庭的格局。午餐的選擇也有十多款，我和男朋友一人一個set 。這裡的午餐，一個托盤盛著整個set 的東西，包括主食、兩客漬物、麵豉湯、沙律，真的有種在日本家庭吃飯的感覺！男朋友選了燒牛肉飯($57)，牛肉內的金菇和洋蔥正好為濃濃牛味作一個平衡，而且提供了爽脆口感。飯底也染上了牛肉味，但因為沒有太多汁，一啖牛肉一啖飯就是最好吃法。比起某大型牛肉飯專門店，一味以牛肉汁烹制的飯，我個人認為這種造法比較健康，亦沒有那麼油膩。我選了鹽燒鯖魚飯($57)。鯖魚燒的皮脆肉嫩，筷子輕輕一夾，魚油隨即流出。因為魚油多，魚香在口內徘徊，旁邊的蘿蔔蓉確保吃下去不會油膩，蘸一蘸附上的汁，為魚添上一陣清新。其實兩款漬物也好吃，一款是南瓜塊，很淋很軟熟。另一款應該是豬肉粒之類，也很開胃，令人食指大動。兩款菜的造法，不算是刺激味蕾的處理，而且食材簡單，吃到的反而是一點點平淡，確實有種日式家庭的感覺。…查看更多

食jor好多次，已經進化到熊野3.0😂今次encore鰻魚飯，我覺得塊鰻魚細舊jor🌚而且以前lunch set有茶碗蒸，但係宜家一概無🤔唔同cut成本以前都可以食飯儲印仔雖然今次都儲到～但係職員話，以後無得儲亦唔會再派睇黎開始cut budget唔知之後會唔會加價😂…查看更多

呢間餐廳o係正大圍火車站對面，每次經過都好想試下，今日終於有機會同朋友o係呢度食晚餐！餐廳入面寧靜，侍應又好好禮貌，一開始已有好impression!menu有好多野選，仲有每日新鮮推介！我地一開始就經侍應介紹叫左一個前菜。 前菜小食：牛蒡醬油漬，醃酸蘿蔔，蕎頭好開胃！唔會太酸，又好爽脆，本人三樣中最喜愛牛蒡。照燒魷魚筒雖然不太熱，但魷魚好厚身，又唔會好un，配上醬汁幾好食！不同壽司小試牛刀試試兩款壽司，三文魚同帶子都厚厚的，好新鮮， 2秒KO哂！茶碗蒸茶碗蒸係我去到日本餐廳必叫！呢個係我食過不同的茶碗蒸中已算是上品！材料豐富，有冬菇白果豬肉等等，好暖胃！！豬頸肉味噌燒呢個好好好味！ 豬頸肉燒到邊位少少燶，肉質嫩滑，加上味噌醬汁配合，我覺得係呢間餐廳既拿手菜！ 香蔥拖羅蓉丼吞拿魚打得好細滑，加上好細心配以紫蘇葉、青瓜，薄薄檸檬，加起來將拖羅既鮮味更加帶出。 風味海鮮鍋以鍋物作結，有好多疏菜，湯底好清甜，魚熟左唔鞋，好滿足！呢個價錢食到好質素既日本菜好難得，我已經諗定下次食咩喇！…查看更多

原先打算離開大圍，去沙田食lunch,點知比我發現連接大圍同沙田之間有間日本小店，有唯數吾少人光顧，而星期日吾洗等位、吾洗加一$88就可以食個set lunch 算吾錯，仲想點啦！賣相吾相，唯獨刺身淡而無味，最好食碗飯，如果你對食冇要求，就冇問題，不過吾岩我最後，員工決策好慢，一去到明明餐廳有好多位，吾知點解店員左唸又唸，唸左十幾分鐘先可以安排位置，可能我一個人…查看更多

今日有個同事last day～為jor farewell佢帶佢食日本嘢順便傾下八卦選擇熊野因為佢地地方大，坐得舒服～我最鍾意坐二樓，因為寬敞而且燈光暗暗地傾計好feel不過佢都有缺點就係一到lunch勁多學生哥！好吵！我地分別嗌jor角切魚生飯同埋親自don套餐佢每份lunch都好大份！根本食唔曬！有主食、茶碗蒸、小菜、味增湯同沙律而且味道唔錯！所以我覺得幾抵食但係以中午飯價錢黎計算就小貴，所以一般都係一個月食1-2次佢宜家都可以keep住食飯儲印仔而且無限期，所以慢慢食慢慢儲19個印仔免費食一餐lunch（我問過，自己一個都得）好吸引既市場銷售策略！我buy！為jor儲印仔，我會再黎！…查看更多

雜錦刺身丼 好似$118左右..伏到喊出黎 - 魚生超簿超細, 分量等於4片壽司 - 魚生唔新鮮, 顏色變身 - 完全冇鮮味 - 飯完全唔係日本米 自己去買幾舊$3壽司可能仲好食.. 服務員態度更是不專業, 行為令客人不安,  對正客人枱大聲說話講笑, 失禮晒日本料理應有的服務態度~不會再惠顧~…查看更多

同朋友穏食穏到了大圍，雖然這間店𣎴大，但環境都很舒適。開始對這家店都没有抱太大的期盼的， 但没想到有驚喜。翻開Menus就被這個馬糞海膽丼吸引了。上桌時看到這海膽的金黃色眼睛發光了🤩，吃下去不禁＂wow＂一聲，海膽很鮮甜，很贊👍🏻👍🏻👍🏻吃完那海膽的鮮味還在回蕩著。另外我地點了個刺身拼盤，刺身很新鮮。這裡的燒物都很不錯，這燒牛舌很好味，夠厚而且能夠鎖住肉汁。😋😋👍🏻🤦🏻‍♀️另外這個明太子燒雞翼都值得推介。相比壽司，我還是比較喜歡刺身及燒物。…查看更多

話說我係附近返工，得閒就會試下熊野。所以儲jor一張印仔卡：10個印送一份免費lunch因為我自己一個去食，我諗住應該唔可以用點知無限制！可以用！正🤩我嗌jor三文魚角切餐但係個waitress落錯order😑落錯都唔緊要，但係加埋我等jor半個鐘先有餐人地隔離檯全部食曬但係我重仲要趕住返公司...我覺得哩間除jor價錢貴就係出餐超級！慢！可唔可以快小小。我次次都要等好耐，遇著落錯order仲衰等30分鐘😪…查看更多

聽朋友講，大圍火車站附近的熊野日本料理食物質素不錯，趁夜晚得閒去試試看。餐廳位置的確好近火車站，亦不難找到。當日人客較多，幸好樓上還有座位，不需 等候。餐牌食物種類幾豐富，想食得飽肚一些， 於是叫了一碗熊野海鮮丼。裏面共有五款海鮮：馬糞海膽、三文魚籽、牡丹蝦、三文魚、帶子。馬糞海膽香味濃郁，可惜份量略少，略嫌未夠喉。牡丹蝦亦非常突出，蝦肉爽口，一定要細意品嚐。三文魚籽、三文魚及帶子鮮味亦難以抗拒，食材十分新鮮。另外點了一碟炸加州卷，是個很有創意的料理，雖然經過油炸，但沒有令食物變得太過熱氣或者油膩，油炸的程度控制得非常適合。如果厭倦了平凡的壽司，定要試一試這款。…查看更多

豬小姐今晚想食最愛嘅日本菜 但又唔想出到咁遠食 心情極之矛盾最後近近地去左大圍逛下睇下有嘜選擇 竟然幸運地發掘了小驚喜 係性價比不錯嘅「熊野日本料理」地理位置相當方便就腳 大圍站A出口行不到五分鐘即達:)晚上八時 又幾旺場喎 好彩等左十分鐘左右就安排入座了環境都算舒服闊落 有日本小裝飾 酒櫃等等增強和式感 燈光暗暗的 幾岩三五知己尼邊食邊傾同咀刁v左諗右諗 終於諗掂食嘜啦先上三文魚腩刺身 嘩！一睇油脂分佈就知肥美到不得了 切上花紋嘅三文魚更顯其厚度入口果然無令人失望 魚脂豐富肥美令人滿足新鮮又夠冰凍 好牛油果鰻魚卷係頗特別嘅新嘗試:)鰻魚嘅嫩滑同牛油果嘅幼滑理應好夾 但鰻魚汁過多過甜及牛油果未夠熟透而影響評分都係牛油果軟殼蟹卷深得豬小姐歡心上壽司拼盤一共有八件壽司 餐牌上無詳細寫明係咩款式 所以就碰碰運氣試試:)結果都是比較普遍常見嘅款式 例如三文魚 鯛魚 帆立貝 赤貝 蟹籽等等 但只索價百二大洋 都可接受啦雖然如此 但簡單得尼又幾美味喲鹽燒牛舌薄燒成六圓片 燒得惹味香口 調味剛剛好 加入檸檬汁提味更是不錯 口感偏為爽身帶嚼勁 咀刁v吃個不停呢同咀刁v一人一隻芥末醬燒蠔 是晚最推介此燒蠔大粒蠔肉味道惹味 醬汁突出開胃 加上些少精華汁液一同入口 好match令人回味 encore首選澱粉質怪豬小姐緊係要叫番個炒飯啦三文魚炒飯炒至飯粒粒粒分明 夠乾身 每顆飯粒都有著咬口色澤金黃 並不太油膩 三文魚及雜菜粒分佈均勻 令每啖入口嘅炒飯都口感平均 豬小姐like爆自此豬小姐多左一個又就腳又好食嘅日式飯堂啦 好野…查看更多

星期三的晚上，店內只有一桌客人。我倆甫坐下，店員態度奇差，餐牌黑底反光看得好辛苦。食物質素一般，根本不值這個價錢。除了靠近火車站外，想不到其他好處，不會再光顧。…查看更多

大圍食店林立，當中不乏出色小店，今日相約朋友到大圍開餐，當然要揀一間坐得舒適又好味既日本餐廳聚舊，之前同屋企人已經幫襯過幾次既熊野位於火車站附近，地點方便，訂枱8時入席餐廳已坐滿食客!必點既三文魚腩（$88）厚切6件，入口充滿油脂卻沒有油膩感鹽燒牛舌（$68）亦係我既至愛，牛味濃而且口感Q彈火炙三文魚丼（$98）朋友要求燒得焦啲，估唔到侍應拎住火槍直接係我地面前燒，燒既時候迫出油份同香味，油份滲到粒粒分明既飯裡，加少少芥辣一齊食平衡油膩感覺明太子雞翼（$68）脹卜卜大大隻，餡料有香蔥拌入味道辛辣什錦天婦羅（$98）除咗三隻大蝦，仲有齊茄子、冬菇同南瓜，食材新鮮又炸得鬆脆炸加州卷（$78）用天婦羅漿包住去炸，沾上酸汁食別有一番風味，略兼飯粒唔夠乾爽有點糊口…查看更多