爆爆鍋 (已結業)

平時出面打邊爐，每個人都想食唔同嘅湯底，要滿足哂唔同人嘅要求都有啲麻煩。今次介紹嘅《爆爆鍋》就可以滿足晒唔同人嘅願望。餐廳主打台式爆炒石頭火鍋，一人一鍋就唔洗爭啦。安格斯牛小排套餐店員首先會炒香烏雞，然後會倒入燒酒，再用火槍點火，見到熊熊烈火視覺效果真係一流。套餐配搭安格斯牛小排，油花相對上係比較均勻，入口同樣多汁又有肉味。配菜方面我就選擇咗新竹米粉和懷念鹽酥雞，仲有我最鍾意嘅黑糖虎紋鮮奶。澳洲M5和牛肩胛肉眼套餐首先店員會在鐵鍋上放入沙茶醬和原隻大蜆，待炒香之後就可以放入一片肥牛煮熟，咁樣湯底就同時會有牛肉嘅油脂和沙茶嘅味道，遠遠地聞到都已經好香。配搭油脂豐富嘅澳洲M5和牛肩胛肉眼，湪10秒就食得，味道脂香又有肉味。另外配菜方面，我仲選擇左寬粉、辣味涼拌牛腸、招牌麻油炸蛋、手工松露海鮮丸 （3粒和手搖飲品橙意翡翠。爆爆鍋 (銅鑼灣)銅鑼灣軒尼詩道489號銅鑼灣廣場一期1樓109號舖