影片
更多
2015-09-30
1088 浏览
哩間studio caffeine 係我屋企附近唯一一間有All day breakfast 嘅Café . 之前朋友發現咗之後一直都想落去食，但又一直都就唔到時間。琴日佢難得唔駛OT，於是就約咗佢嚟呢到進行Girl ‘s Talk。由於我哋兩個都係細胃人，所以點咗個All day breakfast 一齊食，然後再另外點咗兩杯熱飲。哩份All day breakfast個份量好足，雖然我哋係兩個人Share 食，但到最後都食唔晒。所以對於一個正常成年人嚟講，應該係好夠。整體味道，無太大驚喜，但都叫好食，食物都好入味。佢哋果個冬菇整得幾多食，又好大塊。如果呢份All Day Breakfast有埋個煎蛋就perfect了。熱飲方面，我哋就點咗經典朱古力同綠茶鮮奶咖啡。佢哋拉嘅花真係超可愛呀！而且仲係我最愛嘅熊仔，好鍾意呀，我係咁影佢相，真係好唔捨得飲啊。味道方面，無論係綠茶鮮奶咖啡定係經典朱古力，佢哋嘅味道都好濃。我飲嘅綠茶鮮奶咖啡，佢既有綠茶嘅茶香又有淡淡嘅咖啡味，飲後口中回甘，分不清係咖啡嘅澀味還是抹茶的澀味，這豐富的層次感，著實讓人回味無窮。環境好舒服，店員都好nice。我哋坐嘅
由於我哋兩個都係細胃人，所以點咗個All day breakfast 一齊食，然後再另外點咗兩杯熱飲。哩份All day breakfast個份量好足，雖然我哋係兩個人Share 食，但到最後都食唔晒。所以對於一個正常成年人嚟講，應該係好夠。
整體味道，無太大驚喜，但都叫好食，食物都好入味。佢哋果個冬菇整得幾多食，又好大塊。如果呢份All Day Breakfast有埋個煎蛋就perfect了。熱飲方面，我哋就點咗經典朱古力同綠茶鮮奶咖啡。佢哋拉嘅花真係超可愛呀！而且仲係我最愛嘅熊仔，好鍾意呀，我係咁影佢相，真係好唔捨得飲啊。
味道方面，無論係綠茶鮮奶咖啡定係經典朱古力，佢哋嘅味道都好濃。
我飲嘅綠茶鮮奶咖啡，佢既有綠茶嘅茶香又有淡淡嘅咖啡味，飲後口中回甘，分不清係咖啡嘅澀味還是抹茶的澀味，這豐富的層次感，著實讓人回味無窮。
環境好舒服，店員都好nice。我哋坐嘅果個位仲好似有個小型stage , 細問之下先得知佢哋間中都會有表演。可以去佢哋Facebook 到睇演出嘅時間表，佢哋會定期更新。而且仲知道間店原來係佢哋幾個後生仔女一齊開架，間中收工後仲會一齊夾下band彈下結他咁。真係好羨慕佢哋呢種生活。又有夢想又有正職，仲要係從事自己感興趣的事。
我見佢哋menu 入面仲有手沖咖啡，就係好文青呀。下次我要做偽文青，試下佢哋個手沖咖啡先。
另外，佢哋仲有其他小商品會買架！
张贴
