四季煲仔飯

营业中

休息中

我從來都無諗住寫食評因為遇到好食既食店已經有一大炸既人寫左 佢地都讚賞左差既食店 差極都有個譜 點都有招牌野頂一頂住但依間"四季煲仔飯"真係令我太失望 逼我寫負評去既因由 我都唔講太多主要係人流 同個名 心諗實無死去到望見個餐牌 比起出面食既煲仔飯平十幾廿十蚊WOW 都幾抵食呀 睇左兩睇就叫左白鱔牛肉飯 同白鱔滑雞飯我個人覺得煲仔飯個重點 係D飯要乾身同D豉油要夠香同甜甜地但依間"四季煲仔飯"就兩樣都做唔到個飯黎到係"又濕又爛" 就好似蒸一樣 難聽講句蒸既都好過佢啦 離哂大譜搞到咁 你叫咩煲仔飯呀? 酒樓個蒸個飯都好食過你 你賣咁貴做乜?其次就係豉油落個飯度香都唔香下....想請問你D豉油溝左幾多水又唔甜 又唔香...仲好意思招牌係煲仔飯成個飯最接受到係D餸 不過食煲仔飯 重點都唔係放依度食餸我出去大牌檔 仲好啦總結:個飯完全係零分 最重要既位都非常失敗(飯同豉油)係個環境好坐小小 同格離枱唔會話好逼 幾好坐真心想食個煲仔飯既朋友 真係唔好去