私家廚房 (已結業)

出咗Trip成個星期，返到嚟香港，最想見嘅人係邊個？梗係A姐啦！咁出咗Trip成個星期，返到嚟香港，最想食嘅又係乜嘢？梗係香港嘢啦！香港嘢之中，我就最鍾意車仔麵，但夜晚食車仔麵又好似唔太夠，所以今晚叫餸食飯都唔錯。落機就約A姐去到旺角食私家廚房啦！薑蔥焗美國桶蠔啲桶蠔半隻手掌咁大隻，仲要好厚肉又juicy，隻隻都非常新鮮又爆晒汁，而最港式嘅煮法當然係用薑同蔥啦，將桶蠔嘅鮮味帶晒出嚟又唔會蓋過蠔味，食完蠔記住唔好放過入晒味嘅薑同蔥。海皇賽螃蟹賽螃蟹好似好簡單，其實係一樣好難煮得好好味嘅餸菜！蛋白炒得好嫩滑，攪勻埋蛋黃，真係有種以假亂真嘅感覺，配上鮮蝦同蟹柳，令呢道菜更加有口感。干蔥爆豆豉雞煲呢個餸攞嚟餸飯真係一流！好惹味，雞肉又夠嫩滑，連洋蔥都入晒味，好開胃呀。