影片
更多
2018-08-03
45 浏览
自從公司搬咗去新蒲崗之後，近排都多咗嚟九龍城搵食。上次去咗衙前圍道外賣壽司，今次就決定行過兩條街去食蝦麵。事緣早前同同事過嚟食晏晝，發現福佬村道開咗間以蝦為主題嘅食肆，睇過門口嘅餐牌，原來餐廳係一間主打蝦湯底嘅米線泡飯專門店，餐牌上有註明，湯底係每日用 8 斤新鮮蝦頭、蝦殼同豬骨熬足三 3 小時而成，淨係睇張相都覺得吸引，所以今日就專程嚟試下。店子位於福佬村道學林軒地下，店內面積不大，但檯與檯之間有一定距離，空間感不俗，配上門口的落地玻璃窗，感覺開揚舒服。餐牌以一張紙兩面印刷，客人可以自己喺上面剔選心儀食物，而且仲可以循環再用，非常環保。麵食可以配蝦匠湯或冬陰功蝦湯，每款 $48，如果揀清湯或者麻辣湯，就只須 $20。麵底可以揀油麵、米粉、米線、又或者摻摻，當然亦可以選泡飯底。至於自選配菜方面，最煞食嘅自然係龍蝦，$50 有半隻，另外亦有蝦匠滑、花膠同大約廿幾款車仔麵餸料可供選擇。小食方面，選擇亦非常豐富，共有十款，當中有好幾款個名都幾過癮，好似蝦蝦霸霸、蝦少同蝦碌咁，十分箋鬼。至於飲品方面，除咗大路嘅咖啡同奶茶之外，餐牌上亦有兩款特飲可供選擇，包括百香天葵同檸檬天葵花。一心為吃蝦麵而
自從公司搬咗去新蒲崗之後，近排都多咗嚟九龍城搵食。上次去咗衙前圍道外賣壽司，今次就決定行過兩條街去食蝦麵。事緣早前同同事過嚟食晏晝，發現福佬村道開咗間以蝦為主題嘅食肆，睇過門口嘅餐牌，原來餐廳係一間主打蝦湯底嘅米線泡飯專門店，餐牌上有註明，湯底係每日用 8 斤新鮮蝦頭、蝦殼同豬骨熬足三 3 小時而成，淨係睇張相都覺得吸引，所以今日就專程嚟試下。
店子位於福佬村道學林軒地下，店內面積不大，但檯與檯之間有一定距離，空間感不俗，配上門口的落地玻璃窗，感覺開揚舒服。
餐牌以一張紙兩面印刷，客人可以自己喺上面剔選心儀食物，而且仲可以循環再用，非常環保。麵食可以配蝦匠湯或冬陰功蝦湯，每款 $48，如果揀清湯或者麻辣湯，就只須 $20。麵底可以揀油麵、米粉、米線、又或者摻摻，當然亦可以選泡飯底。至於自選配菜方面，最煞食嘅自然係龍蝦，$50 有半隻，另外亦有蝦匠滑、花膠同大約廿幾款車仔麵餸料可供選擇。
小食方面，選擇亦非常豐富，共有十款，當中有好幾款個名都幾過癮，好似蝦蝦霸霸、蝦少同蝦碌咁，十分箋鬼。至於飲品方面，除咗大路嘅咖啡同奶茶之外，餐牌上亦有兩款特飲可供選擇，包括百香天葵同檸檬天葵花。
一心為吃蝦麵而來，先點個蝦匠湯摻摻 ($48)，據店員稱，蝦匠湯底其實是原味蝦湯，入口帶蝦油香氣，味道甘甜。摻摻即係油麵同米粉兩溝，前者彈牙有韌性、而後者吸湯力亦不俗。麵食已經包咗五款配料，有蝦、扎肉、魚片、豆腐同芽菜，另外自己再點咗龍蝦半隻 ($50)、魚腐 ($8) 同鮮冬菇 ($8)，所以碗麵望落都幾有睇頭，份量十足。龍蝦雖然唔算十分大隻，但膏量好多，而且肉質彈牙，入口鮮甜有嚼勁。
一場嚟到，無理由唔揀番幾款小食試下。呢款係粉絲皮春捲 ($28)，賣相有點似越南春卷，炸得非常通透，一咬就碎，夠曬鬆脆，清新香口，吃起來完全不油膩。
另外仲點咗脆香胡椒炸雞翼 ($13) 同蝦蝦霸霸，雞翼香酥可口，用舌尖已經可以感受到胡椒和香料帶來的辣勁。至於呢款霸氣十足嘅蝦蝦霸霸 ($68)，其實即係炸蝦餅，塊蝦餅價錢雖然唔算平，但份量十足，比拳頭還要大，食落口感爽彈，配埋酸辣醬，倍添風味，令人百吃不厭。下次再嚟一定要試埋店員推介嘅花膠雞湯泡飯，據說湯底係用咗金華火腿、瘦肉、老雞同花膠熬煮，淨係齋聽啲材料都覺得吸引！
张贴
