影片
更多
2022-12-06
13 浏览
如果想食得好當然有好多選擇，但又要食得好食得形，這裡絕對推介之選👍🏻餐廳位於駱克道嘅駱克駅，一出升降機就比佢個裝修吸引，在每個位前嘅紅色火焔真係十分搶眼，在近距離看見師傅席前即時準備食材嘅廚藝，加埋變色火焰，完全為了今晚打卡而設！餐牌上有兩款套餐選擇，店員推介Dinner Set B，比A Set多了刺身， 壽喜燒汁和牛薄燒，海鮮土瓶燒等食物，計落更加抵食，而且食物款式更加豐富！ 最先是季節精品先付三品，由右至左番薯🍠甘露煮、煙燻三文魚配上黑魚籽、蟹膏豆腐，甘露煮使用醬油、水、味醂煮出甜蜜美味的番薯，入口香甜。煙燻三文魚卷成壽司樣子再配上香濃黑魚籽，入口味道濃郁。蟹膏豆腐在軟滑豆腐上鋪滿濃濃蟹膏，入口味道香濃滋味。季節刺身三點上枱嘅擺已經十分搶眼，刺身下面是個小魚缸內有小魚在暢泳，加埋店員將火焰轉色，刺身有大大隻之餘入口厚厚的甜蜜融化感覺嘅牡丹蝦；有肉質細緻爽口帶油份，味道甜美嘅深海池魚及油脂甘香，入口即溶嘅大拖羅，這個刺身都真係師傅用心打造，味道及佈置都十分出色。火炙和牛刺身配意大利香草汁，師傅用了肥美和牛卷住淡淡香甜氣味的芽蔥，加埋上面仲有卜卜脆黑魚籽入口爽甜, 加上香草汁，平衡
餐廳位於駱克道嘅駱克駅，一出升降機就比佢個裝修吸引，在每個位前嘅紅色火焔真係十分搶眼，在近距離看見師傅席前即時準備食材嘅廚藝，加埋變色火焰，完全為了今晚打卡而設！餐牌上有兩款套餐選擇，店員推介Dinner Set B，比A Set多了刺身， 壽喜燒汁和牛薄燒，海鮮土瓶燒等食物，計落更加抵食，而且食物款式更加豐富！
最先是季節精品先付三品，由右至左番薯🍠甘露煮、煙燻三文魚配上黑魚籽、蟹膏豆腐，甘露煮使用醬油、水、味醂煮出甜蜜美味的番薯，入口香甜。煙燻三文魚卷成壽司樣子再配上香濃黑魚籽，入口味道濃郁。蟹膏豆腐在軟滑豆腐上鋪滿濃濃蟹膏，入口味道香濃滋味。
季節刺身三點上枱嘅擺已經十分搶眼，刺身下面是個小魚缸內有小魚在暢泳，加埋店員將火焰轉色，刺身有大大隻之餘入口厚厚的甜蜜融化感覺嘅牡丹蝦；有肉質細緻爽口帶油份，味道甜美嘅深海池魚及油脂甘香，入口即溶嘅大拖羅，這個刺身都真係師傅用心打造，味道及佈置都十分出色。
火炙和牛刺身配意大利香草汁，師傅用了肥美和牛卷住淡淡香甜氣味的芽蔥，加埋上面仲有卜卜脆黑魚籽入口爽甜, 加上香草汁，平衡了和牛的油膩感。
鮑魚凍餅，師傅已將鮑魚切片，可先嘗試十分入味原味鮑魚，鮑魚肉好稔又很爽，之後再將鮑魚放在夢美人米飯上飯粒煙韌，口感煙韌，配上鮑魚高湯煮成的啫喱入口，感覺味道層次更多，塗上肝醬鹹香味突出，鮑魚搽上肝醬, 入口時，鮑魚的甘香味道更濃郁！一款食物幾個層次，正！
鹅肝荼碗蒸，將鵝肝放在茶碗蒸內，打開時陣陣香濃既鵝肝味撲鼻，茶碗蒸依然嫩滑，裡面有柚子皮及Wasabi，減低了鵝肝油膩感之餘保留了本身嘅味道。
炭薰牛舌，師傅準備了炭爐，將牛舌放在炭爐上燒，十分搶眼，除左用炭燒之外，師傅仲會用炭薰，令到炭燒味更香，味道更出眾，配埋芥末籽醬一齊食，非常香口，配菜都一樣出色，蘆荀用黑松露醬炒過，好香配上法國芥末醬入口好滋味。
紫蘇二重燒牛肉卷，師傅先放置一隻手於我們面前，再將紫菜內放入炭燒牛小排， 下面再加埋和牛他他及紫蘇葉，入口口感有層次，配上了紫蘇花，甘甘地，幾特別。
壽喜汁精選和牛肉眼薄燒，和牛肉眼薄燒嘅油脂十分豐富，肉質軟熟，入口即溶，牛味亦十分香濃，在壽喜燒汁裡面加上白蘭地，令牛味提升，配菜有冬菇，芋絲，豆腐，全部都吸收了壽喜燒汁，非常好味。
季節幽庵燒，師傅用上時令肥美嘅秋刀魚，配上幽庵燒汁去燒，秋刀魚燒到外皮香脆，魚肉無腥味，伴上秋葵及綿密細緻質地嘅芋蓉組合，感覺清新！
日本玉子塩漬精選和牛柳粒，和牛柳粒入口軟熟，而且十分有口感，加上旁邊嘅玉子鹽漬，即是用蛋黃做成既鹽漬，蛋香味濃，配上和牛味道十分配合，還有烤大蒜頭，蒜味不太濃嘅感覺，可以當伴菜吃嘅蔬菜。
海鮮土瓶燒係傳統海鮮湯，將湯同配料分開煮，而且一直用火熱住海鮮湯，想飲既時侯就倒出黎，咁就一直有熱湯飲。湯內有大蝦、鯛魚、元貝等海鮮，所以味道清甜。
月見吉列和牛他他飯堡，用上鮮滑和牛他他，配上生蛋黃、脆片、洋蔥及北海道米飯，加埋酸酸醬汁，配脆脆米食口感豐富，非常滿足。
甜品就係靜岡哈密瓜日本雲呢拿雪糕，密瓜甜美成熟又多汁，配上香滑雲呢拿雪糕。作為今餐晚飯嘅結尾！
由食物到服務都做得十分滿意，加上價錢相對吸引抵食，喜歡特色主題這裡絕對推介！
张贴
