貓之眼

营业中

休息中

之前係灣仔返工，同事帶我去試過一次之後就返唔到轉頭，就算搬左去對面鋪頭都繼續幫襯。因為真係好好味，係每一樣嘢都做得好好，食左咁多次都完全冇失水準。就算宜家轉左工，放假都會特燈同朋友仔過海去食首先講下佢啲送，其實佢每一樣送都好好味，只不過每次最多叫三樣，叫太多又食唔曬，所以我通常叫最喜歡既濃茄牛肉同燴牛肉汁，雖然係咁但係其實佢忌念雞同咖喱仲有牛肉漢堡都係超級好味的！佢個蛋包飯，個蛋煎得啱啱好，有蛋汁，而且個蛋好香好嫩滑，包住粒粒飽滿既白飯。啲白飯好煙韌，索左啲送汁之後咬落去真係好滿足！除左呢個之外，佢仲新出左鰹魚汁茄子，茄子索曬啲汁好鮮甜，真係好好味。服務方面，店員都好有禮貌，就算好忙都唔會唔憂做都唔會對客人呼呼喝喝，就憑呢份態度就值得比個讚。老細都係好好人，超級有禮貌。由於店比較細，而且真係好好味，所以長年都大排長龍，但係絕對值得你排隊既一間餐廳。呢間仲要係黃店，唔幫襯都對唔住自己。btw，佢對面仲有一間越南菜，都係呢個老闆開架！如果真係太多人排隊，都可以去對面支持下。