心血來潮想打邊爐，就入咗旺角嘅馬祖，揀咗最低消費嘅一個級別，🏅**Prime Grade 美國安格斯牛肉 + 西班牙無激素豬肉片 + 無限任飲任食火鍋配料及飲品，結果出乎意料地滿足！
雖然主打肉類只有一款牛同一款豬，但任食部份超豐富，海鮮有白鱔片、脆肉鯇、鮮蝦、帆立貝、大蜆等，配料選擇多得誇張，唔駛額外加錢都食得開心。加上全部用QR code落單，不用離座更方便。
湯底我揀咗台灣藥膳養生雞 + 藥膳椰子雞雙拼，一邊鮮甜，一邊椰香，煮咩都啱，暖胃又舒服。
環境方面，地方闊落，出菜快，坐得舒服。最大賣點係無限時，食完打邊爐仲可以慢慢咬雪條、靠住窗邊發下呆，唔趕唔逼，心情特別放鬆。
10
2
8
1
