馬祖無限時台灣養生涮涮鍋

营业中

休息中

📍平日食開馬祖嘅藥膳手工麵店多，佢嘅火鍋放題都好高質，仲可以無限時任食。冷泡茶選擇都多竟然有愛文芒果茉莉花茶，另外仲有維他朱古力奶飲！佢哋招牌嘅藥膳湯一直都覺得好好味，揀咗蟲草花桃膠雞湯底夠晒滋補，回本必食極上Prime Grade霜降牛小排。軟嫩得嚟又唔會好似和牛咁肥，同埋叫咗咁多碟嘅質素都係一樣咁好，另外個餐仲包埋安格斯牛頸脊同西班牙伊比利亞黑毛豬等幾款豬牛雞大把選擇。其他火鍋配料質素都正常，好嘅係佢嘅丸類份量細細粒，可以食多幾款都得。小食仲會送地瓜薯條同埋幾款Shake Shake粉，最鍾意梅子粉酸酸甜甜好夾！