影片
更多
2023-06-01
461 浏览
對呢餐邊爐嘅印象:好多嘢食超多嘢食勁多嘢食 😂300左右無限時小食➡️刺身➡️任食雞煲➡️任食邊爐 胃口好少少嘅日子嚟食一定可以食到抱住個肚走😹👨🏻🍳Round 1 餐前小食炸瘋薯條甜蕃薯條唐揚脆炸雞蟹籽沙律甜酸炸大腸（我地無嗌🙈）鮑汁雞腳❤️唔係食雞腳嘅我俾佢個汁吸引咗，滷得勁入味 而且啲肉勁易脫骨 encore咗，另外炸雞都好好飯外脆內嫩🚨可以任嗌 不過開始咗round 2就唔可以食翻round 1嘅小食～記得留肚食到最後😹👨🏻🍳Round 2 前菜三點刺身盛合（一次性 無得re-order）三文魚算偏厚切，甜蝦又肥大又鮮，整體刺身都算新鮮👨🏻🍳Round 3 頭盤二選一：竉寵雞煲 / 為食酸菜魚(一次性)點刺身嘅時候店員會問埋要雞煲定係酸菜魚，我地揀左雞煲，食緊刺身嘅時候會雞煲都會上枱開始煮，店員提示一共煮8分鐘，每2分鐘要炒下佢。雞煲整體偏濃味，未開始食 聞落味道都已經好香，雞肉嫩滑，每一舊雞都會沾滿雞煲醬汁，鍾意食雞煲嘅朋友推介必試！我地揀咗bb辣 個辣味都已經好出，如果唔食得辣嘅話建議BB辣已經夠😹一份雞肉嘅份量已經好多，雖然係任食，但我地冇再嗌加雞，想留肚試埋其他野！👨🏻
好多嘢食
超多嘢食
勁多嘢食 😂
300左右無限時小食➡️刺身➡️任食雞煲➡️任食邊爐 胃口好少少嘅日子嚟食一定可以食到抱住個肚走😹
👨🏻🍳Round 1 餐前小食
炸瘋薯條
甜蕃薯條
唐揚脆炸雞
蟹籽沙律
甜酸炸大腸（我地無嗌🙈）
鮑汁雞腳❤️
唔係食雞腳嘅我俾佢個汁吸引咗，滷得勁入味 而且啲肉勁易脫骨 encore咗，另外炸雞都好好飯外脆內嫩
🚨可以任嗌 不過開始咗round 2就唔可以食翻round 1嘅小食～
記得留肚食到最後😹
👨🏻🍳Round 2 前菜
三點刺身盛合（一次性 無得re-order）
三文魚算偏厚切，甜蝦又肥大又鮮，整體刺身都算新鮮
👨🏻🍳Round 3 頭盤
二選一：[任食]竉寵雞煲 / 為食酸菜魚(一次性)
點刺身嘅時候店員會問埋要雞煲定係酸菜魚，我地揀左雞煲，食緊刺身嘅時候會雞煲都會上枱開始煮，店員提示一共煮8分鐘，每2分鐘要炒下佢。雞煲整體偏濃味，未開始食 聞落味道都已經好香，雞肉嫩滑，每一舊雞都會沾滿雞煲醬汁，鍾意食雞煲嘅朋友推介必試！我地揀咗bb辣 個辣味都已經好出，如果唔食得辣嘅話建議BB辣已經夠😹一份雞肉嘅份量已經好多，雖然係任食，但我地冇再嗌加雞，想留肚試埋其他野！
👨🏻🍳Round 4 火鍋盛宴
揀咗高湯牛尾湯底
會跟2個拼盤
👉🏻為食海鮮拼盤 (是日5款) （一次性 無得re-order）
鮮蝦、蠔、蜆、半殼元貝、脆肉鯇、白鱔片
👉🏻為食牛肉拼盤5点（－次性 無re-order)
潮汕吊龍伴、黃喉、手切牛頸脊、熊本雪花一口牛・SRF和牛肩肉眼芯
海鮮拼盤整體都好新鮮
白鱔片平時自己打邊爐比較少食，所以印象較為深刻，魚肉好嫩滑，魚皮帶有膠質感
牛肉拼盤每款牛肉都幾好食，黃喉都比較少見，但我地覺得好好食，煮大概10幾秒就可以食得，入口好爽脆，未食過嘅話建議可以一試～
👉🏻任食火鍋配料
到任食火鍋配料嘅環節其實我地已經8成飽😂
因為實在太豐富😂😂🔥
任食配料中淨係牛肉就有三款唔同，亦有羊肉，豚肉可以選擇
我地嗌左仲一樣幾特別嘅野就係牛骨髓，入口感覺係好似一款有黏性同牛肉味嘅啫喱～
其他配料方面我地嗌左響鈴，魚皮餃等等都保持到火鍋店一定嘅水準 份量方面自己食幾多嗌幾多唔怕浪費
蔬菜類嘅配料以及飲品係係出面自助區自己拎，因為前面太豐富嘅關係我地係咁拎好多菜黎幫助消化😹
成餐食完之後嘅感覺係性價比好高，俾左一個合理嘅價錢，就獲得左好多輪 好豐富嘅飲食享受，係一間之後會bookmark同朋友再黎食嘅打邊爐～
张贴
