最近終於去咗心心念念嘅日式鐵板燒料理，真心每一道菜都感受到師傅心思同時令美味！好想同大家分享下今次的美食體驗～ 每一道菜都好有心思，好多細節位都照顧到味覺同視覺享受。
🥚飛魚子鵝肝茶碗蒸
入口超滑，啖啖都食到鮮味飛魚子，加埋濃郁鵝肝，層次感超豐富。
🌊水雲沙律配鮑魚片
鮑魚片爽口彈牙，配埋水雲沙律，酸酸甜甜好開胃。
🥗季節沙律
新鮮時蔬，配搭清爽醬汁，食落無負擔。
🦞鮮活伊勢龍蝦
超大隻超新鮮，師傅即場處理，配埋麵包一齊食，龍蝦肉彈牙又juicy！現場仲有小小表演🔥🔥睇得又食得😍😍
🦪紫蘇葉帶子二食
第一口原味帶子，鮮甜到不得了。第二口將帶子、配料包埋紫菜一齊食，又多咗一層口感，超滿足！
🐚原隻鮮活南非鮑魚
連埋海帶一齊食，點秘製海苔忌廉汁，超濃郁！配埋心內美蘿蔔，清新解膩😝
🦆香煎頂級鵝肝
外脆內嫩，配意大利黑醋同菠蘿，非常解膩，完全唔怕膩滯！
🥩鹿兒島霜降和牛
薄燒卷同厚燒都有得試，油花分布靚到不得了，入口即溶！配鹽昆布、岩鹽、芥末醬、蒜片，每一口都好幸福🥰
🍚秋田炒飯
金黃色炒飯炒到粒粒分明，香氣十足，完全停唔到口😍
🥬本日燒野菜
新鮮蔬菜炒得好香脆，輕輕鹽味就已經好有味。
🍲伊勢龍蝦清湯
鮮甜龍蝦味，暖胃又清新🦞
🍵精選甜品
最後必食抹茶雪糕配紅豆餡豆沙包，完美收尾～
師傅仲係鐵板度寫字！寫生日快樂超勁！！
