Pinot Duck (已結業)

計劃好久想來，門口又大又吸引，窺視裝飾，有睇頭，出咗bonus, 终於有藉口去食。午市套餐$138，頭盤：北京填鴨薄餅，肉淋，無脆皮，薄餅有粉香，煙靭;另一個醬爆鴨絲荷葉包，葱，蒜，脆絲，小甜不咸，麵包皮軟軟，口感不錯。餐牌寫鴨是北京種，在美國飼養無荷爾蒙，無激素，咁就無鸭香，無騷味，無鴨油，即不香，我就不喜，我咁嘅阿婆，都無荷爾蒙，梗係要吸收。黑松露雞粒炒飯，飯爽口，雞肉不多，松露味不濃，粟米，葱，不知甚麽脆絲。香辣蕃茄蝦意大利粉，蝦爽口無鮮味，意粉有質感彈性，質素好過明寶石多多，當然貴咁多。齋啡，易入口，不太澀。香片，滑，甘。欣賞點兩幅幻彩畫配合餐碟，像倒瀉顏料，自由變化，富想像空間。銅壼，的的式式，雅緻，繩系壼柄，木的，防熱。啤酒名子好得意，睇相，有機會試。