影片
更多
2016-11-06
3099 浏览
今晚朋友諗住同我預祝生日，所以出黎旺角同我食生日飯，但係day and nite by master kama完全令我同朋友成餐dinner一肚火，即使食物味道ok都彌補唔到雅興盡失。我地由等位果一刻開始已經有微言，因為我地7點10分已經問有冇位，負責樓下接待紅衫既女職員同我地講話要等齊人要可以入座，因為有兩張枱已經reserved比訂枱既人，我地絕對冇問題，因為咁樣係好公平做法，我地有一位朋友行緊黎，等埋佢黎先入座係ok，但個紅衫女職員完全無視我同朋友，冇幫我地禁飛。直到7點19分突然一大班食客黎master kama，有啲食客齊人可以上去，未齊人既客人紅衫女職員幫佢地禁飛，咁岩另一名朋友岩岩到，佢先幫我地禁飛，令我地白等左9分鐘，明明我地早到，但就要我地比遲黎既食客遲入座，做法混亂，對我地唔公平。另外，紅衫女職員有同我地講用餐時間90分鐘，我地食左一個鐘，之前有一位男職員收起已食完既餐碟都有禮貌地問我地係咪唔需要，但紅衫女職員完全問都冇問，統統將我地既餐具同未食完既薯條收起，係朋友話我地未食完啲薯條，佢先「發還」番我地啲薯條。我地明白餐廳當然想做多幾轉生意，但尊重客人都好重要，因財
我地由等位果一刻開始已經有微言，因為我地7點10分已經問有冇位，負責樓下接待紅衫既女職員同我地講話要等齊人要可以入座，因為有兩張枱已經reserved比訂枱既人，我地絕對冇問題，因為咁樣係好公平做法，我地有一位朋友行緊黎，等埋佢黎先入座係ok，但個紅衫女職員完全無視我同朋友，冇幫我地禁飛。
直到7點19分突然一大班食客黎master kama，有啲食客齊人可以上去，未齊人既客人紅衫女職員幫佢地禁飛，咁岩另一名朋友岩岩到，佢先幫我地禁飛，令我地白等左9分鐘，明明我地早到，但就要我地比遲黎既食客遲入座，做法混亂，對我地唔公平。
另外，紅衫女職員有同我地講用餐時間90分鐘，我地食左一個鐘，之前有一位男職員收起已食完既餐碟都有禮貌地問我地係咪唔需要，但紅衫女職員完全問都冇問，統統將我地既餐具同未食完既薯條收起，係朋友話我地未食完啲薯條，佢先「發還」番我地啲薯條。我地明白餐廳當然想做多幾轉生意，但尊重客人都好重要，因財失德只會令食客反感，希望master kama可以作出檢討同改善呢種待客態度。
講完服務態度講番啲野食，呢個龍蝦玉子燒 我地今晚眾多小食 中比較覺得好食，龍蝦鮮甜，玉子滑嫩juicy。
牛油芝士粟米粟啲米都幾甜，不過芝士唔算太突出，太快凝固痴底，要花時間剷起。
最鐘意食芝士既朋友都好麻麻呢碟芝士條，外層炸到非常乾，硬邦邦，肉裡芝士淡而無味，食落好似橡膠，完全難以咀嚼，全餐最差就係呢碟野。
三重芝士雞肉烤餅係另一款比較出色既小食，烤餅夠薄，芝士味濃厚而且豐富，配上清新蕃茄粒，令烤餅唔會有膩味感，不過我食落就唔多覺有雞肉，只係食到芝士。
day and nite by master kama出名龍蝦，我地當然一試，我地揀左最唔花巧既烤蒜蓉牛油龍蝦，味道好壞參半，好既係龍蝦鉗肉飽滿，鮮甜多汁，可謂原汁原味。差既方面龍蝦身牛油味欠奉，只聞到薄弱蒜蓉味，但食既時候係零蒜蓉味，龍蝦肉亦唔夠爽，同冇經任何調味既龍蝦鉗味道差天共地。另一亮點係薯條同南瓜條，薯條唔夠香脆，而且點薯條個醬汁完全唔夾，冇乜味道，點完好似冇特別覺得好食左，反而南瓜條軟腍香甜，更勝薯條。
焗薯皮屬普普通通，薯皮唔夠焦香感，酸忌廉落得太少唔足夠，薯仔肉唔太幼滑。
呢度野飲都各有特色，朋友呢杯unicorn dream girly十足，粉系女生之選，棉花糖亦相當夢幻，飲品味道好似糖。
cookies & mist呢個配搭唔錯，朱古力味道唔太甜，微微薄荷香氣舒解我既乾涸感。
總結黎講master kama無論食物定服務完全冇master級既水準，我同朋友都唔會再黎幫襯，如果講食龍蝦我會鐘意上星期食既上環某龍蝦專門店，同專賣龍蝦，但服務同味道真係差天共地。
张贴
