牛大人台灣火鍋吃到飽 (偉華中心)

营业中

休息中

下午两点钟和三个朋友加一个小朋友去食下午茶。 已经等齐人先入座, 但由于第一次去大家都唔知道有啲咩食 ,餐牌比一个我哋, 五个人轮流睇完,决定埋都差唔多十分钟。（入坐前要我地点餐就可以节省大家时间） 跟住到上汤底 ,畀佢滚又15分钟。 头25分钟我哋都系等 。真正食到落口都冇20分钟，就话 用膳时间完毕， 我哋明白只有60分钟享用时间。 但系我冇估到系由入去门口𠮶一刻开始计。 佢个汤滚都要15分钟（如果可以劲滚放落我地到会悭时间）,55分钟 唔畀我再攞嘢食我理解。 如果爆晒场，有人要排队我都明白 。（当时有10几张吉枱）个小朋友食咗一碗面 ，想食埋啲𩠌 ，就已经话够钟要走。 望住你唔走都唔得。 煮咗嘅嘢又嘥晒， 跟住职员话系就公司规矩，佢都冇办法 。真系一肚气。