影片
更多
2021-08-20
1001 浏览
因為消費卷優惠，所以今晚去稻香打邊爐。之前消費卷一出，朋友就係稻香買左$1000送$500 coupon 。依家夜晚仲有8：30前7折，8：30後半價優惠，coupon都可以照用，講真真係抵到爆炸，唔怪之得，日日都見到排長龍。平到咁，我地今日就諗住叫象拔蚌食，見到枱面放左張優惠券 ：象拔蚌一條+醉雞鍋 $268 。好平喎，如果分開叫 一條象拔蚌$188 ，醉雞鍋$128 。咁緊係叫set啦。(但係原來分開叫，仲抵，點解.....下面計俾大家睇)一黎食左象拔蚌先，就咁刺身食，都有D鮮甜味，不過食耐左，D冰開始溶，都係淥一下 ，穩陣啲，淥一淥鮮味仍然喺度， 仲多咗啲爽口嘅感覺，不錯。再試下D雞，雞肉無咩味，酒味就唔太濃，反而藥材味就重啲，湯底仲有D甜味，可能因為有D紅棗喺度，越滾越出味，用黎打邊爐都幾好。再叫左個滑牛，四寶丸同薯粉，正正常常，一般酒樓既貨色，無咩特別。食飽埋單走人，兩人$442，當時覺得真係好抵。但有小插曲：返到屋企朋友話原來象拔蚌嗰set 係無得再7折，因為一直都話8：30前，所有野食都有7折優惠，如果計返，分開叫7折後 ：象拔蚌 $188=$131.6 ,醉雞鍋 $12
依家夜晚仲有8：30前7折，8：30後半價優惠，coupon都可以照用，講真真係抵到爆炸，唔怪之得，日日都見到排長龍。
平到咁，我地今日就諗住叫象拔蚌食，見到枱面放左張優惠券 ：
象拔蚌一條+醉雞鍋 $268 。
好平喎，如果分開叫 一條象拔蚌$188 ，醉雞鍋$128 。咁緊係叫set啦。(但係原來分開叫，仲抵，點解.....下面計俾大家睇)
一黎食左象拔蚌先，就咁刺身食，都有D鮮甜味，不過食耐左，D冰開始溶，都係淥一下 ，穩陣啲，淥一淥鮮味仍然喺度， 仲多咗啲爽口嘅感覺，不錯。
再試下D雞，雞肉無咩味，酒味就唔太濃，反而藥材味就重啲，湯底仲有D甜味，可能因為有D紅棗喺度，越滾越出味，用黎打邊爐都幾好。
再叫左個滑牛，四寶丸同薯粉，正正常常，一般酒樓既貨色，無咩特別。
食飽埋單走人，兩人$442，當時覺得真係好抵。
但有小插曲：
返到屋企朋友話原來象拔蚌嗰set 係無得再7折，因為一直都話8：30前，所有野食都有7折優惠，
如果計返，分開叫7折後 ：
象拔蚌 $188=$131.6 ,
醉雞鍋 $128=$ 89.6
total : $221.2
依家優惠set $268 ，仲貴左 $46.8
不過真心都覺得稻香係好平，咁既價錢真係抵到爛，只不過依家好多地方 (不止係稻香) 有時D收費係有D奇怪，有時自己order前都要問清楚，今次只可以話自己無留意
總括都食得開心既，唔記得講如果夜晚打邊爐，係可以任飲啤酒汽水，同埋無限時間，所以如果想慢慢坐飲下啤酒，食少少野。呢度都係唔錯既選擇。
张贴
