鄉土風情 (已結業)

就算星期五晚都唔多人，不用等位，直入。兩個人叫了煎蛋角鍋，蓮藕餅，安格斯肥牛粒，蒜蓉粉絲蒸元貝。(因為做特價$38／4隻），見個侍應主動推介，所以試下。)煎蛋角內有咸菜，好咸，一定要送飯食，湯底有D芽菜同硬豆腐，但豆腐無咩豆味。蓮藕餅煎得有D油，味道亦偏咸，而且有D碎豬骨，麻麻地。肥牛粒一樣偏油，而同碟的菇唔好食，有草青味。蒜蓉粉絲蒸元貝，好大隻，但唔鮮甜。整體味道偏咸同油，分量足，但味道普通，試一次就夠。可幸服務周到。