影片
食记 (19)
安荞百日宴大家耐心地等开饭，各自揾娱乐，大家都又闷又肚饿，唯有各自玩电话解闷同分散注意力啦。好肚饿呀，仲未开饭呢。哈哈。恭喜百日贺宴，难得喜事令到各路英雄聚首一堂，而且唔系酒吧，太好喇 ﹗个个挂住赌，我都参与下啦，好采无输，都赢少少。由头赌到尾，好鬼烂赌呀 ﹗我净系烂食烂饮加乍 ﹗红鸡蛋，有野食喇！未上菜先黎小食红鸡蛋，平时我都唔食熟蛋黄架，但实在肚饿，连鸡两只鸡蛋顶住先﹗乳猪全体，几好好好，难得满意。今次真系合格，不太肥而皮脆肉嫩，肉香不过咸，好味。发菜蚝豉猪手生菜，好少参加寿宴，依道菜意头系横财就手？发财好市？好似怪怪地，哈哈。生菜爽甜，赵到索索声。夹埋发菜蚝豉一齐食好好味，蚝豉甘香肥美有咬口。猪手炆得不肥不腻，猪皮弹弹爽爽的，入味可口，唯独无咩肉食。西兰花炒带子虾球，虾虾虾虾球好咸呀！格硬吞落肚。假爽质地，而且细只左少少。带子还可以啦，都系略咸，最好食西兰花卜卜脆又多汁，点虾酱或豆瓣酱同样美味。花胶肉丝红烧翅，忘记了醋唔系要黎捞，系食完用黎清味蕾舌头添，手快快倒左几滴，无紧要。水准稳定，颜色晶莹剔透，高汤香甜浓郁，质感黏而厚薄得宜，香喷喷又好食。每口夹杂花胶丝及肉丝点缀，味道跟口感即时丰富左。清蒸老虎斑，相机都未举得切就已经消失左半条斑喇！我都唔执输立即夹两旧先影相啦，证明在座各位都非常喜欢食鱼呢。热腾腾冒著烟送到，我二话不说抢左半边面珠登先，客气生疏食少好多！出黎聚餐饭局必须要进取主动，唔系会好蚀架麻。面珠登系全条斑最矜贵，嚼劲非凡、弹力十足，而且滑不留口！沾上鱼汁豉油那有唔好食之理。之后当然茅头指向鱼肚啦，鱼肚胶胶滑滑又无骨，啖啖肉够晒满足！夹少少背脊肉试试，最后解决埋鱼头鱼尾，连骨都损得干干净净。鲍片鹅掌扒椰菜，损脚指我钟意 ﹗鹅掌非常滑溜，滑到夹都唔容易呢。表曾微胶黏黏的，赵落爽弹，再炆耐一点就更正喇 ﹗蚝油芡鲜味不咸不呛，配上淡口鹅掌及多水椰菜，味道刚刚好 ﹗鲍片咽咽韧韧好有口感，含蓄淡淡鲜鲍味道，轻柔您的舌头，合格。炸子鸡，无话可说，做到首尾呼应 ﹗上半场虾虾虾虾好咸，下半场鸡鸡鸡鸡劲咸。微暖不热不香，油淋淋肥腾腾，肥膏一旧旧，一件敝命，就算我有多么爱鸡都要放弃。干烧伊面，大路的腍劈劈、湿淋淋、胀卜卜，味道淡而无味又单调，加豆瓣酱都救唔返，失败 ﹗腊味糯米饭，真系腊味？唔多食到㖞，只有几粒叉烧及大量青葱啰，湿上豉油捞糯米饭，试一啖 bye bye。可能豉油皇炒面配个皮蛋瘦肉粥会更好味啰 ﹗
继续阅读
住系新界区既亲友不时会相约聚会呢间都系经常到访既热点之一餐具十分有特色，古色古香既公鸡图案套组重点系佢地既花样保持得不错，虽然有少许掉色，但仍算色彩鲜艳丰富卤水猪手作为冷盘竟然又唔会好油腻好饱滞㖞:^0卤得入味，猪皮稔软香口，佢处理得干净，食落系滑身易嚼既温度较低，感觉上胶质不重，未有黏口，不过质感颇为爽口酸菜猪肚其实我都唔中意食酸菜，呢道只系浅尝辄止酸菜不呛口，偏咸，爽而够水分猪肚够稔，爽口易嚼不会过韧，没有异味鲜虾肠粉肠粉滑身不易烂，带点弹性，食落唔会好粉虾肉都叫足料，爽口带鲜香，色泽红白分明樱花虾炒饭用石锅热住上，既能保温，更有少许饭焦份量够足，炒饭金黄干爽，卖相吸引入口粒粒分明有嚼劲，带饭香又无腻感加上爽口虾肉既鲜香，以及青葱既清香，整体感觉清新可口流沙包包身香绵软熟，味道不太甜，平衡馅料浓味馅料橙黄色尤如日落，美观又吸引入口甜而不腻，仲有点鸭蛋黄香只不过老实说不太流沙，只有少许溏心炸两肠粉厚薄均匀，甚有弹性油炸鬼酥脆可口，中间既气泡算均一，不算过份油腻既一绵一脆既质感对比几有趣，这或许是此道多年受人欢迎既原因煎酿尖椒当中一半系辣口既一半系冇咩味既其实次次食呢道菜重点系要同人分，好似抽签中奖咁，系好玩既xd酿馅香口不油腻，弹牙更带点爽口，只系稍为松散未酿得够紥实烧卖三宝虾仁、冬菇及鹌鹑蛋作为配料，置于烧卖之上个人认为虾仁一款最经典最保险，虾仁足料又爽口，可惜鲜味乏乏鹌鹑蛋一款比较重负担，蛋系细既但香气颇浓，食落可能会觉得有点腻口冬菇一款则普普，冬菇爽口多汁无怪味，只系冇咩特别小笼包外皮算薄身，紧紧包裹肉馅及汤汁，一滴不漏汤汁不多，不算过于腻口，只系油香胜于肉香了肉馅爽稔够味，很少脂肪，感觉紥实花生糯米卷如相中可见，卷得不够紥实，说是松散也不为过单以糯米皮本身既黏力黎撑起整个结构，有点马虎糯米皮香甜软糯，十分绵身稔软富弹性而柔软，嚼劲不大黏度一般馅料甜度刚好，加上芝麻花生既自然香气，当然是最佳配搭豆腐花滑身不会过水，感觉足料用心，而非所谓水嫩而实则偷工减料豆香不算浓郁，但叫自然，亦无粉粒滑嫩香口，洒上点点黄糖，真是儿时回忆！
继续阅读
今次唔系第一次黎呢间餐厅, 开左咁耐, 间唔中都会黎光顾下 :0今日系我妈妈的生日, 我地4个人9点正就黎到呢间乡土风情,因为唔洗等位, 地方大而人又少庆祝妈妈生日, 系冲住佢平价点心而黎 爸爸谂住大家高兴下就嗌左只乳猪,我地谂住加多几碟"𩠌"....原来唔可以又嗌点心又嗌3宝(大家, 真的要小心, 在餐牌上无写明任何相关要求的附带条款)最后我地都拣左食夜茶点心, 头抽炒肠粉, 唔会太咸太干流沙奶皇包, 里面d黄真系流哂出黎, 够热牛肉球,鲜竹卷,鲮鱼球, 都唔会太油腻, 不过爸爸就想食炸物..:333夜茶点心还不错, 茶介位位$12, 收加一不过今次用餐经验实在不愉快, 尤其是普通职员不友善的态度和过份强硬的处事手法好可惜妈妈一年一次开心既生日饭竟然搞成咁 唉!!好激气呀真系! 希望全港唯一一间的乡土风情有所改善啦.
继续阅读
就算星期五晚都唔多人，不用等位，直入。两个人叫了煎蛋角锅，莲藕饼，安格斯肥牛粒，蒜蓉粉丝蒸元贝。(因为做特价$38／4只），见个侍应主动推介，所以试下。)煎蛋角内有咸菜，好咸，一定要送饭食，汤底有D芽菜同硬豆腐，但豆腐无咩豆味。莲藕饼煎得有D油，味道亦偏咸，而且有D碎猪骨，麻麻地。肥牛粒一样偏油，而同碟的菇唔好食，有草青味。蒜蓉粉丝蒸元贝，好大只，但唔鲜甜。整体味道偏咸同油，分量足，但味道普通，试一次就够。可幸服务周到。
继续阅读
BB在外婆家住了一大段时日, 我爸也多个星期没有见爱孙了. 星期日, 没有带BB回西贡, 爸妈就决定来大埔, 系要见一见BB, 才能安心. 太太另有事要办, 那就余下我同BB, 及父母一同上茶楼, 饮茶. 系太和邨, 有两间茶楼, 而且两间野就打正对面, 所以等位有两个选择. 除非系指定要食某一间, 那么, 边一间较快俾到台你, 边一间就做到你生意. 不过, 我一等, 就等了成个钟. 才收到乡土风情的叫筹. 等到位, 才call其他人出现. 星期日饮茶, 不嬲都系咁. 我为了陪父母, 父母为了看BB. 呢一餐, 也是志不在食的. 都是以点心为主, 一家人饮茶, 一向都是这样叫到成台野. 不过小家庭, 人少少, 就唔会叫咁多既. 我们三个人, 就当然叫个饭食下啦. 而香港式饮茶既特色就是集合大江南北, 世界各地的美食. 所以, 我们系呢一度, 可以食到韩式既"石头锅饭".这一个石头锅饭先上, 大概是因为厨房出错单吧. 错有错著时, 醒目的楼面知道我们同样叫了石头锅饭, 就先交俾我们. 火热辣的牛肉石锅饭, 未捞之前看见爽脆的新鲜芽菜. 捞一捞. 把韩国的辛辣酱汁捞入去, 热咋咋的, 把饭汁肉菜捞一番. 捞好后, 辛口, 味道香, 饭焦脆卜卜. 芽菜就靠石锅本身的热力炒熟. 老土的形容一下, 这锅饭, 真的是浓浓香香. 之后, 就是点心, 三个点, 就是平日饮茶常叫的凤爪, 牛肉. 乡土一点的, 来了个猪肚烧卖. 纯新界式饮茶的点心. 先评凤爪, 而家好多都只是豉汁凤爪. 没有辣椒圈, 豉汁既味道显得特别的浓郁. 凤爪, 走过油, 而且蒸得劲腍, 豉汁味亦渗入到其骨内, 是一笼出色的点心. 牛肉, 味道虽是鲜美, 但食落, 牛肉球既质感好似实左少少. 不过, 吃得出马蹄粒, 牛肉球味道香, 加上喼汁令牛肉味道增强. 这小点, 也可以说声好. 另外, 猪肚烧卖呢一个较为传统的点心, 就令我觉得普通了一点, 应该落少少胡椒吊一吊味的但我们选择了不落, 所以食落, 有少许觉得失色. 不过好的, 就是猪肚, 非常之腍, 可以说, 这猪肚, 仲腍过用来煲汤的猪肚. 最后, 也是传统酒楼的常见物, 叉烧餐包. 包仔甜, 叉烧馅有粒粒肉, 内里的叉烧酱也一样的甜美. 想起儿时, 系茶楼, 食这些仿西式点心比起食正宗叉烧包, 更加之开心. 味道好, 地方也绝不乡土. 不过, 要说这一间是有特式的食肆......在我感觉上, 这只是普通的一间酒楼. 不过, 食物倒是美味的. 而且, 这酒楼, 名是乡土, 但完全没有给人感受到乡土的感觉......
继续阅读