妹豬無激素雞專門店 (已結業)

無激素雞呢間喺觀塘駱駝漆大廈, 餐廳主打慢煮無骨雞🐔, 係7月25號正式開業。店內以簡約木系為主，座位闊落, 但座位有限。餐廳賣5款口味的雞🐔，有原味滑雞、沙薑雞、玫瑰油雞、口水雞、露香醉雞翼, 仲有白咖哩雞扒飯。佢哋主打香港本地化驗所STC無激素認證嘅無激素雞，每日限量供應，雞隻即日整即日清，絕對唔會賣隔夜雞，開張短短一段時間就試過去到中午12點左右就已經賣晒所有即日預備好嘅雞隻。😬呢度嘅無激素雞比較瘦身，食落無咁油膩，脂肪比較少，亦無添加色素/黃薑粉，所以見到雞身比較白淨。雞件肉質嫩滑、雞皮夠爽，啖啖肉😋。佢哋採用真空袋抽咗真空再裝住原隻雞拎去低溫慢煮兩個半鐘，令雞隻可以鎖住100%營養，連平時唔食雞皮嘅我都忍唔住食咗兩三塊, 仲要無骨，啱哂我呢D 懶人😋。依家香港人越嚟越注重健康飲食，尤其是女仔👧🏻, 相信你同我都想食到啲有質素又健康嘅雞。🐔今日叫咗慢煮秘製沙薑雞飯 ($88), 一份慢煮玫瑰油雞($88)加$6轉咗全蛋伊麵，當中加咗木魚花。個麵就算浸咗一段時間食都仲喺好煙韌。佢哋所有醬汁包括蘸雞豉油、沙薑醬都喺餐廳自己整，確實夠晒用心👍🏻，仲唔會搶咗雞本身嘅原味。依家新開張期間