Wingman (閣麟街)

营业中

休息中

朋友拍板去Wingman食雞翼，環境輕鬆自在，專注食雞。今次我哋叫咗雞，全部都係雞，有24隻雞翼可以任揀四款唔同口味，再加埋兩款小食。如果食素嘅朋友都唔使擔心，加錢可以轉做植物肉，照食得開心。我哋揀咗黑椒檸檬、咖啡燒烤醬、金雞和自家製鹹蛋黃口味。最鍾意係黑椒檸檬，，酸酸胡椒味醒神；最驚喜就係咖啡燒烤醬，咖啡香味出乎意料地夾。每隻雞翼都係用無激素、不含抗生素、歐盟認證嘅走地雞，食得安心又有味。最有印象係牛油小粟米，牛油香滲入粒粒粟米，甜香焦脆係全場MVP。Sweet Potato Fries就正常發揮。新鮮檸檬特飲酒啱啱好，解膩得嚟唔搶鏡。整體係一餐舒服又輕鬆，食材有誠意，味道有層次，雞翼原來唔係咁簡單。