吉野家 (已結業)

准备同老公去超市入货，入货前医咗肚先😋下午茶时间吉野家竟然有大把位，即刻入去坐低。下午茶menu都多种类，有饭、面、乌冬⋯叫咗个牛肉一丁面+日本茶（$28）磨菇煎鸡饭+百事（$26）热辣辣的麻油丁面🍜𠮶种麻油香味扑鼻，唔饿都要食😝要赞系个面嘅软硬度刚刚好，最怕一早煮定晒，淋到饼面糊咁。配埋和风嘅洋葱牛肉😋牛肉经过日本鲣鱼汁、味醂煮入晒味，牛肉唔会韧。洋葱吸收晒啲酱汁。一碗份量刚刚好。磨菇煎鸡饭日本饭一粒粒，好饱满。食落有种饭嘅香味、甜味。煎香咗啲鸡皮好香口，鸡肉充满肉汁。饭面再淋一下磨菇汁😋 每啖饭都有肉汁、磨菇汁的香味。三十蚊有找一个茶餐，好味又饱肚。