吉野家 (已結業)

準備同老公去超市入貨，入貨前醫咗肚先😋下午茶時間吉野家竟然有大把位，即刻入去坐低。下午茶menu都多種類，有飯、麵、烏冬⋯叫咗個牛肉一丁麵+日本茶（$28）磨菇煎雞飯+百事（$26）熱辣辣的麻油丁麵🍜嗰種麻油香味撲鼻，唔餓都要食😝要讚係個麵嘅軟硬度剛剛好，最怕一早煮定晒，淋到餅麵糊咁。配埋和風嘅洋蔥牛肉😋牛肉經過日本鰹魚汁、味醂煮入晒味，牛肉唔會韌。洋蔥吸收晒啲醬汁。一碗份量剛剛好。磨菇煎雞飯日本飯一粒粒，好飽滿。食落有種飯嘅香味、甜味。煎香咗啲雞皮好香口，雞肉充滿肉汁。飯面再淋一下磨菇汁😋 每啖飯都有肉汁、磨菇汁的香味。三十蚊有找一個茶餐，好味又飽肚。