米走雞 (太子藍馬之城)

营业中

休息中

一直都好鍾意食雞煲，又鐘意芝士，但芝士雞煲就唔係好多地方有得食，所以見到就即刻約fd一齊去食！依度都係食完雞煲可以打邊爐，見到有得叫火焰麻辣雞煲，隔離枱仲要食緊超級香，真係幾吸引。但芝士雞煲少有啲，今次就試左佢先！叫咗半隻雞（$178）芝士碎份量都有得揀，驚太濟所以揀左普通，但原來都好多。個芝士好香好濃，不過依隻芝士唔算好鹹，唔會搶咗雞味！啲雞好滑，同芝士都好夾。兩個女仔去食基本上食完個雞煲都已經好飽，都唔係好食得落邊爐。但都忍唔住嗌少少黎食下。特別推介竹笙墨魚滑（$48），配搭新穎，竹笙爽口，吸晒啲湯好正，墨魚滑又好彈牙，好食！依間雞煲都幾高質，下次要試埋麻辣雞！