黃記煌三汁燜鍋 (已結業)

又黎到尖沙咀啦！見到呢間新開嘅黃記煌係食鍋既！又有好多款口味！佢嘅鍋有好多款式，有牛有海鮮有豬有魚，仲要每款食材入邊仲有幾款揀！再加上佢係冇水烹調嘅！都真係幾新鮮㗎！啱啱食物嚟到佢就用咗一個好似花樽嘅嘢裝起晒啲食物，其實佢係分開一層層，一層一款食物或者醬料！我就叫咗個牛魔煌燜鍋！野食啱啱嚟到，店員就好細心咁樣幫我地將一層層嘅嘢食排好落個鍋度！仲排得好齊整好靚㗎！之後就開爐等佢熟！隔一陣店員就會走過來睇吓個鍋情況如何！喺適當嘅時候佢就會加埋麻辣醬落去啦！其實個鍋底本身已經有啲南瓜同埋芹菜，仲有佢本身已經有芫荽（ 如果唔識芫荽姐可以同佢講聲唔好囉）！終於都食得啦！佢個麻辣啱啱好我叫咗小辣！佢唔會真係好啦但係又有辣嘅味道就出嚟！佢嘅環境都坐得好舒服！枱面夠大位置闊落！嘢食味道唔錯價錢合理！