赤丸製麵所 (已結業)

尋晚我地五個好友一行人往赤丸聚餐。等左半粒鐘，輪到我地，侍應阿man先同我地講「張枱好細喎，你地五個人係迫d架喇，但係其他人都係咁坐架啦」。下？又唔早講！不過無辦法啦，等左咁耐，唯有入去坐啦！阿侍應哥真係無講錯喎，張枱真係好細好迫，仲細過張麻雀枱，基本上我地有兩個人係無枱用。唉！無辦法啦！等左咁耐又坐低左，點知…食到差唔多果時，又係lee個侍應哥走過來收碗碟同筷子，但我地小食都未食完，佢就將d筷子撈到亂哂，仲要好大力咁拍張單係枱面，我心諗「無事呀化！阿侍應哥駛唔駛做到咁忟呀！」咁都不特止，佢仲好大力咁將d新筷子拍入去我地張枱嘅筷子盒入面，d態度真係…唉！到我地同佢講嘢佢就行開喎，都唔知咩鄉下。食物不過不失，而且我地每人叫左一碗烏冬，六個小食，都已經好飽架喇，侍應其實唔駛再額外送d氣我地受。唉！lee d服務態度，我諗我以後都唔會再來架喇！去一間餐廳食嘢，環境同服務態度，都會影響到成間餐廳嘅質素，如果食客開開心心咁來，食到滿肚氣咁走，lee間餐廳真係失敗喇！