四季常餐 (已結業)

開業時，不停吹捧藍帶廚師做出高質數茶餐廳食品！所以好正常地開業人龍等候時間起碼半小時以上，對於好怕排隊嘅我，等到大半年後,經過見到唔使排隊直入，就緊係試下！ 😎望望餐牌，選擇好少，佢主打炒滑蛋，於是就叫左叉燒炒蛋飯試一試。炒蛋係滑，但蛋汁調製分量差少少，無咩蛋味。藍帶出品，賣相係基本，可惜蛋分量少左D，連飯面都包唔矖。义燒合格，厚薄適中。另外凍奶茶幾好，雖然係預製非即沖，仲茶味夠而且係無冰凍奶茶👍🏽總結：如果係普通茶餐廳計質素係合格，可能大家帶有對藍帶廚師主理，所以試完有失落反差。