Bellevue Bar and Grill (已結業)

去開呢邊做野，竟然夾到男友放假，男友就好有心專登搵間餐廳食晏，我地都好耐無一齊食飯 T.T餐廳位於大廈頂樓一入到去個景咁樣，被震懾了！環境非常寬敞，樓底夠高，牆上壁畫，好western +$25薯仔沙律， +$20餐湯及甜品餐包超鬆軟，濃濃香草味，加埋奶油，十分配甘荀忌廉湯不得了，濃厚鮮味，上面係橄欖油，見到咁深綠色，極有機會係初榨冷壓油，只有第一度既油可以保留最多營養，所以先會有咁深既綠色。果然，非常好味，橄欖油果份油潤清香，配埋咁creamy既湯，多左份層次！記住，做女人唔好見到油就驚，適量優質油份可以令人望落無咁乾！我食芥末南瓜意大利飯配牛利牛利煮到非常咁諗，個調味同質感竟然似五香牛腩咁，但配上甜甜地既飯出奇地配！個飯仲加左少少洋蔥粒，無咁膩。男友食豬排配薯菜豬排略調味，非常juicy, 軟諗適中有肉香。配菜亦有燒過，薯菜就似匪味雞翼果重調味。男友表示以呢個水位黎講高質！白朱古力蛋糕，味道普通，勝在食完主菜仲有甜品會滿足好多。餐飲係一般茶或咖啡，茶膽係西茶，唔好期望係茶餐廳濃香茶膽。但係個景咁開揚咁正，藍天白雲，坐係到真係好寫意好受享，可以係繁忙都都市上黎抖一抖氣已經覺得好幸福！