影片
更多
2018-10-12
84 浏览
餐廳喺銅鑼灣告士打道宇宙商業大廈，行入毫不起眼嘅大堂，搭電梯上到10樓，甫開門就見到大大個Notte招牌。行入去左手邊見到個開放式廚房，右手邊係深啡色外壁嘅房間，一切都好平凡。一打開房門就非常驚豔，窗外係維港世界級嘅夜景。放眼望去盡是港九兩岸各著名建築嘅霓虹夜燈、海底隧道出入口嘅車熙來攘往造成嘅燈光交錯，盡收眼底。餐廳裝潢高雅，浪漫非常。喺銅鑼灣食西餐私房菜，呢個價錢真係好抵。Antipasto【蟹肉青瓜】蟹肉都幾鮮味，配埋青瓜食更覺清爽。【蜜瓜火腿】蜜瓜火腿嘅蜜瓜又甜又juicy，配上火腿嘅咸香又係另一種滋味。Cold Starter【Japanese top grade Abalone】好靚嘅擺碟，鮑魚下面係一小節蘿蔔，望落好似喺園林入面嘅野菌咁。鮑魚係用紅酒同鮑魚汁醃製，爽口彈牙，味道濃郁，配合清新嘅蘿蔔都幾特別。Hot Starter【Pan-seared Hokkaido Scallop】帶子煎封後表面有少少嘅煎焦味，好香口，帶子底下係粟米磨出嚟嘅醬汁，又一新鮮配搭，兩種味道又幾夾。Soup【Creamy corn soup】非常香濃嘅粟米湯，入面放咗粟米仔同牛油炒粟米，粟米
行入去左手邊見到個開放式廚房，右手邊係深啡色外壁嘅房間，一切都好平凡。一打開房門就非常驚豔，窗外係維港世界級嘅夜景。放眼望去盡是港九兩岸各著名建築嘅霓虹夜燈、海底隧道出入口嘅車熙來攘往造成嘅燈光交錯，盡收眼底。餐廳裝潢高雅，浪漫非常。
喺銅鑼灣食西餐私房菜，呢個價錢真係好抵。
Antipasto
【蟹肉青瓜】
蟹肉都幾鮮味，配埋青瓜食更覺清爽。
【蜜瓜火腿】
蜜瓜火腿嘅蜜瓜又甜又juicy，配上火腿嘅咸香又係另一種滋味。
Cold Starter
【Japanese top grade Abalone】
好靚嘅擺碟，鮑魚下面係一小節蘿蔔，望落好似喺園林入面嘅野菌咁。鮑魚係用紅酒同鮑魚汁醃製，爽口彈牙，味道濃郁，配合清新嘅蘿蔔都幾特別。
Hot Starter
【Pan-seared Hokkaido Scallop】
帶子煎封後表面有少少嘅煎焦味，好香口，帶子底下係粟米磨出嚟嘅醬汁，又一新鮮配搭，兩種味道又幾夾。
Soup
【Creamy corn soup】
非常香濃嘅粟米湯，入面放咗粟米仔同牛油炒粟米，粟米愛好者就啱晒～
Daily Pasta
【香蒜蜆肉意粉】
用香蒜、香草、洋蔥炒出嚟嘅意粉。店員介紹時話落咗辣汁，食落feel唔到，不過已經足夠香口，口感煙韌。蜆有6大粒，粒粒都好水潤，味道係意想不到地鮮味，有淡淡嘅鮮海水味，感覺好似撈上嚟即刻食咁，大讚！意粉亦做得好煙韌彈牙。
Main Course
【Pan-seared Slow-cooked Iberico Pork】西班牙黑毛豬肉先慢煮再烤焗，口感爽脆肉汁豐富，只係稍嫌唔夠肉香，如果可以選擇較肥美油脂較豐富嘅部份，再烤焗耐少少就會更香而又不失嫩滑。配菜有紅、黃椒、紫薯脆片同蘭度豆。
Dessert
【Notte Tiramisu】
用酒杯裝住嘅Tiramisu，燈光照射出玻璃倒影，好亮麗。Tiramisu最特別係多重味道同口感，呢道甜品用上咖啡啫喱，口感更佳又冇咁heavy。最底嘅芝士奶蛋係最美味嘅部份，超軟滑又香甜。
整個套餐一路食一路感受到師傅擺咗好多心機去設計菜色，烹調方法、食材配搭都深思熟慮過，而且用料上乘。店長亦會詢問我哋嘅意見務求繼續改進，好有heart。餐牌會每三個月轉一次，期待下次再嚟品嚐佳餚^_^
张贴
