牛禪燒肉日本料理 (已結業)

呢個五品刺身真係超級霹靂無敵勁好食！無誇張，試過就知正到爆！三文魚腩刺身~厚切既魚腩好有咬口，夠晒肥美嫩滑！帶子~同樣係厚切，唔好成粒放晒入口呀，絕對要慢慢切開品嚐帶子既鮮味！象拔蚌~加埋旁邊碗汁醬食，非常新鮮爽口！北海道馬糞海膽~用勁脆紫菜包住海膽，再加幾粒三文魚子，一啖放入口咀嚼，呢d咪叫做享受囉！喜之次~又稱北海道大眼雞，我第一次食架咋，係極品呀，好厚既剌身口感好好呀！近江和牛盛宴，經過專人指導知道點樣燒先最好食，依提示由淡味到濃味，越食越好味！中途夾住飯一齊食，唔會有太膩既感覺。頭幾種淡味已經食到津津有味，尾斷濃味由牛頸、小排、西冷、肉眼d肉汁出晒來，牛味徘徊响口內，燒得太好了！每個部位都有獨特既味道，超好食呀！呢餐咁豐富當然要有個甜品配合下啦，鹽味雪糕唔係好多地方食到，小小咸味既雪糕真係好特別，又唔會驚食得太甜，正！