映水芙蓉 (海運大廈)

可能因為一早訂好枱, 所以被安排到一個無敵海景位, 未食野淨係見到個景都嬴晒。

1

每人會先上一杯梨子酒, 淡淡梨香配vodka, 都幾易入口。
 

湄公魚

湄公魚好大鍋, 魚肉都嫩, 唔會太辣。

1

螞蟻上樹

螞蟻上樹好好食, 一上菜就聞到好香, 粉絲香脆可口。

蝦膏紅米飯

侍應會先上紅米飯, 再即場係上面淋好多蝦膏。蝦膏會一直係石鍋滾, 等到滾完有D凝固再食, 好香蝦膏味, 幾好食。

墨魚餃

墨魚餃賣相好靚, 但味道非常普通。

擔擔麵

擔擔麵麻辣香口, 麵條軟硬適中, 值得一試。

敲糖棒棒雞

呢個棒棒雞睇得又食得。侍應會即場用刀叉敲開中間既糖柱, 撈落雞度。食落真係幾惹味, 但我唔太食得辣, 呢個真係幾辣。

蒜泥白肉

蒜泥白肉應該係全晚最令我失望既菜式。唔係肥膏既部份真係全瘦肉,  D肉好鞋。辣汁冇乜蒜味, 完全稱唔上蒜泥白肉。

炒椰菜

炒椰菜好香, 幾好食, 都係微辣。

最後會有朱古力送, 雖然係唔同口味, 但除左辣味同酒味較明顯之外, 其餘都只有朱古力味。


雖然價錢唔平, 但有靚景又坐得舒服, 整體感覺都幾好。