天聚源 (已結業)

屯門藍地-天聚源：$498蒸氣石鍋套餐（2人份量）+10%-12月聚會特別多，而唔知點解今年班班朋友都話要食蒸海鮮，所以我8日食左3餐蒸海鮮!-打頭陣既係位於藍地既天聚源，地方最大，有室內和戶外區，天氣唔熱既話，坐戶外感覺幾好，在小木屋下真正既圍爐取暖。呢度自設兩排水缸，養住d海鮮，所以上到枱時好多海鮮都仲郁緊...新鮮到爆. 而且都超大隻，當中大蟶子係超甜超爽，貴花蚌和特大扇貝都好大隻！海蝦非常新鮮，鮮活到我不忍放佢落蒸爐😢我唯有以好好享受和感恩的心情去吃牠們，真的很甜很彈牙，蜆類也很飽滿清甜。-平d既$498套餐都有龍蝦、大蟶子、貴花蚌、特大扇貝、海蝦、幾款蜆類等，包一樣野飲，較特別的是還有羅浮山走地雞（係咪即係流浮山？），蒸雞很滑和有雞味！另外還有冷烏冬和沙律，而食完海鮮當然係要食鍋底一開始落既白米，經蒸多輪海鮮後變成既海鮮精華粥，店員可幫手加生菜絲落去，不過可能海鮮唔夠多去整呢個份量既粥，又無想像中咁甜，不過就真係好綿！-PS 一樣有蒸海鮮時間指引和計時器幫你手PS 野飲有支裝津路烏龍茶！