影片
每次尼到呢一间蒸海鲜...海鲜又新鲜...上枱后的海鲜还会郁..地方又舒服...特别个猪手再配酒真系吸引我每次尼...三五个朋友坐系到舒服倾下计...又唔会赶人走
继续阅读
首先好想讲佢呢度真系好靓，坐出边露天嘅话呢可以影吓相，而且又有得泊车，佢嘅粥底海鲜蒸气火锅超正，老实讲偏向有啲贵，但系胜在好食，令我爱上蒸气火锅，个粥超入味，推介👍🏻🌹
继续阅读
平时好小会出街打边炉同埋食海鲜，因为觉得自己买料又新鲜啲，抵食啲，最重要系一定洗得干净啲。但因为同太强屋企人食，洗唔到咁强海鲜，上网睇呢间评价唔错就试一试佢环境黎讲都几岩一家大细去食，地方够大。同埋佢外面灯光暗啲，当日我地就坐房，所以无蚊咬。我地当日系叫套餐既，如果大家都系想叫套餐记得系佢黎到戈阵点一点数，因为成日都会有漏要叫佢跟一跟番。讲番啲野食，佢系第一间我会觉得洗得够干净既餐厅，应该同自己洗既程度差唔多！亦系呢间野最加分既地方，最紧要系佢啲食材都系好新鲜同埋无泥沙！所以会再去食
继续阅读
朋友喺外国返黎话想食蒸气火锅，即刻谂到天聚源因为佢地既装修好有中国特色。如我所料，朋友一入到中间outdoor 位置已经赞好靓。2个人叫左精选蒸气石锅套餐，另外再加鲍鱼。餐厅有部夹公仔机，夹中公仔既话可以用公仔换蚬，又有抽奖抽现金卷。首先黎左个沙律同冷乌冬冷乌冬捞左芝麻酱超级好味，好味到停唔到口，但要留肚食海鲜因为平日加上落雨，餐厅比较少人。待应有时间帮我既整，呢个服务真系可遇不可求👍🏻👍🏻👍🏻海鲜够新鲜，所以就咁清蒸都好好味。每食一样都有惊喜。食哂海鲜之后，佢地拎左碟鸡件黎蒸。将所有蒸海鲜同鸡既精髓都跌左落个粥度超级无敌咁好味！
继续阅读
今次母亲节，想揾一间有特色的餐厅庆祝一下，始终未试过一家人一齐食蒸气海鲜。蓝地以前行过经过好多次依间天聚源，门面装潢系日本风，一直以为系食啲普通日本刺身，定食个啲，冇乜点吸引到我留步。后来听住蓝地嘅朋友介绍，原来佢地系做蒸气海鲜，一于试下好吾好食先行到入去原来系超大的，有个户外埸，冬天坐出面应该好有气氛，夏天就吾好了，想热死嘅话可以试下嘅。依个系室内有冷气，地方都好宽敞嘅。今次我地拣左坐室内，因为个日好热我地5个人，拣左个4人海鲜套餐另外再加左啲日式串烧牛舌好厚身好好味，鸡翼烧吾错，不过吾够香口。另外仲叫左炸鸡软骨，吱豆，芝士圈鸡软骨：调味几好，只系炸粉有啲厚，有啲适中吱豆：好难整得难食，除非本身吾中意食芝士圈：Good海鲜好鲜甜，平均水准高，价钱比出面平好多，今日人均250左右特别要赞个个蕃薯蚬，鲜甜爽口，多肉下次会单叫多几只珍珠蚬，好咸呀有好多只，每一粒都好似食紧海水咁，不过系海鲜本身嘅问题尼。我吾中意服务都吾错，虽然吾系帮你蒸埋嘅，全部系自助的，但当你有需要时，店员都好主动去帮你水可以任饮，其它饮料计钱，有罐椰子汁好难饮🤢🤢🤢仲要贵23蚊，千其吾好中招，但我冇影到，哈哈。锅底系粥，最尾食埋一定够饱的埋单千一左右。
继续阅读