豐鍋雞煲 (京瑞廣場1期)

营业中

休息中

今日再次嚟到石門，跟Openrice 食評搜尋一下最有人氣嘅中餐。豐鍋雞煲，原來佢唔止雞煲好味，午市仲有極高質素嘅套餐，餸+日本飯+無味精湯 + 菜+熱飲 都係六十幾蚊。今次我試醬汁豬手，賣相已經相當吸引，一口咬入就知道一定用上幾小時去燜製，醬汁入味之餘，肉質非常軟嫩，不能錯過的是煙韌的豬皮。另外，最有驚喜的就係個餐湯，如果有飲品我都通常唔會飲的，但見到隔離檯嘅客人個個都飲晒，連煲湯骨都食埋，我就試試。我絕對贊同佢標榜沒有味精，除此之外，仲非常足料，假若佢哋有湯包賣，我諗我一定會買。呢度嘅午市套餐值得一試再試。