Bellevue Bar and Grill (已結業)

又到了晚餐時間，想食扒，所以上網搵吓有冇邊間餐廳未試過。我見到呢間環境唔錯就上咗去試。入到間餐廳，環境真係唔錯仲好舒服，最適合就係一對情侶去食。有個酒bar，個設計非常之靚同埋都幾professional。間餐廳嘅燈光設計，都好有情調。講埋個景，望落去見到成條彌敦道加埋啲燈光真係好正。講番啲食物，主菜之前會送餐包。佢哋有隻特別嘅牛扒，叫做乾式熟成牛肉，聽過侍應介紹，呢隻牛嘅肉質會更加幼嫩，肉味會更加濃郁。值得一試。我哋仲叫咗烤三文魚扒黎到個賣相已經唔錯，食落口嘅味道簡直不得了。個皮超級香脆！我地再叫咗一個小食同埋個意粉再加埋杯Cocktail已經飽飽。個小食都值得一試，鬆脆嘅外層，入面包住juicy 既菇十分之特別，味道都唔錯。呢度有好多唔同嘅Cocktail同埋酒精嘅飲品，所以鍾意飲酒嘅人我一定好鍾意呢度。講埋呢度嘅服務態度，啲侍應10分有禮同埋都會講解下啲食物俾我哋聽，值得一讚。下次都會再嚟。