更多
2019-09-28
62 浏览
今日過咗嚟尖沙咀呢邊做嘢,收工諗住同同事食埋飯~行吓行吓行左黎韓國街呢度,不過我個人唔係好鍾意食韓國嘢無意中發現呢度有一間日式居酒屋,我哋就二話不說決定嚟試吓!呢間居酒屋主要係食串燒,亦有少量嘅飯團、茶漬飯及湯/烏冬等等,除咗主餐牌,仲有唔少是日推介我叫咗一串雞心嚟食以前細細個阿媽會買來炒餸,已經好耐冇食過!食落爽口軟滑,我覺得好好食!呢個係同事叫嘅燒雞皮我就唔係好啱食汁燒銀雪魚~係一味我好鍾意食嘅日本菜,銀雪魚魚油味超香濃!不過不失嘅燒粟米及梅子飯團~冇諗過佢嘅飯團原來係燒過,外面脆脆,有啲似煲仔飯嘅飯焦感覺。兩個人食咗$1000,價錢都唔平,不過確實算係高質嘅一餐!
张贴