BASAO tea (白沙道) (已結業)

下午3:30pm，路過白沙道，純粹諗住搵間未去過既Café 坐下食少少野，點知眼前就出現咗BosaoTea，見未有人龍，望一望門外menu就入咗去。好好彩有張二人枱，我坐低之後外面就開始多人等位了。白色日系茶店，本來想飲咖啡但入到去先知係一間真下既茶室。有用唔同茶沖調既latte同特飲。呢間茶室係先點餐後品嘗的。服務員會比一個會閃燈既機仔方便通知我攞食物。我點咗杯招牌Rock oolong latte同埋一件聖誕精選Darjeeling tea cake roll，呢個係聖誕special, 個cake roll 紅卜卜好有聖誕氣氛，食落有大吉嶺茶香，忌廉好香濃但唔太甜，cream個色有啲似 Earl Grey 嗰種感覺，茶味清清地幾好，入面配有日本白玉，軟糯口感好特別，我第一次食到咁既cake roll。Rock oolong latte 似乎係hot item, 飲落係幾正，好似喺冬天既日本飲過類似既味道，忽然好有聖誕感覺啊🥰想一讚既係蛋糕櫃顯示清晰，服務員都好熱心，好詳細介紹☺️ 覺得服務唔錯。