影片
更多
2008-04-27
27 浏览
今日晏晝去o左金鐘拎番張cert，之後見肚仔餓，就去o左呢間新開o既壽司店食番個late lunch。一入到去，waitress就問我係食sushi定飲o野，佢見我係食壽司o既就帶o左我去坐吧檯。由於o個時唔係繁忙時間，唔算好多人，所以靜靜局局咁幾舒服。佢o個度有3個餐牌，分別係飲品、小食(沙律等)同大menu(有壽司、卷物、天婦羅、麵等)，睇o左一陣，就點o左:大拖羅壽司($100/2件): 幾滑溜同肥美，雖然有少少筋，不過都算入口即溶。鹽燒和牛壽司($40/件): 略為過熟，肉汁流失o左，而且肉質韌o左少少。A5和牛壽司($40/件): 呢個係生o既，d 雪花紋分佈得算幾平均，不過唔知係咪因為唔太習慣食完全生o既和牛o既關係，感覺怪怪o地。三文魚壽司($30/2件): o個片三文魚比其他一般壽司店切得厚少少(但又唔算係厚切喎)，食落口比較有質感同rich。我幾鍾意佢個texture，而且幾鮮甜，唔錯。炸龍蝦卷($50/2件): 口味比較清淡o既朋友應該會鍾意呢個，佢用日本蘿蔔包住紫菜，紫菜入面就係龍蝦同牛油果。龍蝦幾爽口(不過再鮮甜d就更好)，併埋牛油果，成件事幾refreshin
一入到去，waitress就問我係食sushi定飲o野，佢見我係食壽司o既就帶o左我去坐吧檯。
由於o個時唔係繁忙時間，唔算好多人，所以靜靜局局咁幾舒服。佢o個度有3個餐牌，分別係飲品、小食(沙律等)同大menu(有壽司、卷物、天婦羅、麵等)，睇o左一陣，就點o左:
大拖羅壽司($100/2件): 幾滑溜同肥美，雖然有少少筋，不過都算入口即溶。
鹽燒和牛壽司($40/件): 略為過熟，肉汁流失o左，而且肉質韌o左少少。
A5和牛壽司($40/件): 呢個係生o既，d 雪花紋分佈得算幾平均，不過唔知係咪因為唔太習慣食完全生o既和牛o既關係，感覺怪怪o地。
三文魚壽司($30/2件): o個片三文魚比其他一般壽司店切得厚少少(但又唔算係厚切喎)，食落口比較有質感同rich。我幾鍾意佢個texture，而且幾鮮甜，唔錯。
炸龍蝦卷($50/2件): 口味比較清淡o既朋友應該會鍾意呢個，佢用日本蘿蔔包住紫菜，紫菜入面就係龍蝦同牛油果。龍蝦幾爽口(不過再鮮甜d就更好)，併埋牛油果，成件事幾refreshing，而且一d都唔溜，合格。
三文魚刺身($50/碟): 成碟o野個presentation睇落去就ok，不過一食落去就知道同之前o既三文魚壽司有d唔同。唔知係咪因為呢碟我係o係迴轉帶拎o既，明顯地冇咁新鮮同埋蹭腥d，而且切功都冇咁好，冇o左o個種好rich o既質感。所以，下次我諗我淨係會叫sushi而唔會叫sashimi，一o黎平d二o黎好食d。
之後叫o左杯iced tea(唔記得幾$)，一般檸檬茶咁喇。
總括o黎講，我建議o黎食o既朋友，壽司方面主攻魚，最好唔好食和牛，因為唔太好食。大拖羅、三文魚同炸龍蝦卷都值得一試。同埋最好唔好
貪方便拎迴轉帶o既壽司o黎食，落單order o既感覺上新鮮d。
順帶一提，呢度service唔錯，serve我o個位waitress姐姐好nice又有笑容。另外，第一碟壽司o黎o個陣師傅唔記得同我走wasabi(我order o左全部走wasabi)，不過師傅醒起o個陣都即時同我講唔好意思，之後o個d全部佢都記得要走wasabi，態度誠懇而且即時改正，要加分。
題外話: o係呢度飲綠茶係要另外加錢o既，最普通o個隻好似係$10，如果order其他特別款式o既綠茶或者飲品就會再貴d。
张贴