留民料理

营业中

休息中

今日入左去屯門三聖附近探親戚，完左就係附近行下。見到呢間好似居酒屋既餐廳，寫住無國界料理，於是行埋去睇一睇個menu啦。呢間餐廳中式、日式、韓式、西式都有，仲要紅日都有set dinner，所以就去試下啦！我地８點入去，咁岩有張枱走，唔洗等位！waitress 好nice咁介紹有D咩食～除左set dinner，仲有串燒同雞煲，好多選擇～我地最後叫左個set dinner 既鹿兒島和牛燴飯，加左蟹子溫泉蛋，仲叫左隻滷水豬手同埋芝士泡菜炒飯。因為得主廚一個人煮，所以上菜係逐樣上，每碟都熱辣辣，正！🇯🇵 蟹子溫泉蛋脆卜卜蟹子配上溫泉蛋，口感好特別，而且蟹子既鮮甜味同溫泉蛋好夾！🇨🇳 滷水豬手個豬手好入味，滷水汁十分濃郁，個皮浸到入口即溶，好好食🇰🇷 芝士泡菜炒飯用鐵板熱辣辣送上既泡菜炒飯，醬汁香濃又夠辣，外邊仲包圍左拉絲芝士，撈埋一齊食超好食😋🇯🇵 鹿兒島和牛燴飯呢個燴飯用左白汁同和牛膏，好香濃，啖啖牛味，真係越邪惡越好味😈另外，啲侍應十分友善，大讚！