拉麵達人 (已結業)

今日原先計劃上深圳兩日一夜，但最後因為好晏先起身而取消咗。諗起之前想食拉麵達人，所以就去食喇。因為出到去已經3點，所以唔洗等位就可以入去食。店舖裝飾得幾有日本風味。今次食咗1)黑蒜達人拉麵(2)特盛達人拉麵見食評網嘅評價幾高，原先希望會有多啲特色，但食過後覺得略為失色。黑蒜湯底比較普通，同另一個特盛達人拉麵無咩分別。配料主要有糖心蛋，兩塊叉燒。特別想講我塊叉塊，第一啖咬落去係又凍又硬嘅，好失望。特盛達人拉麵嘅份量上好似無咩大分別，只係多咗兩三塊叉燒。(平時其他餐廳有特盛的話，應該無論份麵同配料都會多啲嘛)，Mr.J對今次叉燒嘅評語係比較乾身同硬，湯底就比較無味，唔夠香濃。反而枱上提供嘅辣菜Mr.J就好喜歡，因為加咗落拉麵之後好似重慶酸辣嘅味道。P.S無冰水提供，只有比常溫較凍嘅檸檬水。