劉興記生煎包專門店

最近成為城中熱話既劉興記開咗幾間分店，行過荃灣街市街見到個靚仔喺度叫賣米芝蓮生煎包，門口貼咗發哥同老細嘅合照，仲要係兩套唔同衫，可見發哥都係常客😎

有四款皇牌套餐，有主食+生煎包，再送豆漿，見到價錢算經濟入去試吓

1

招牌生煎包同蟹黃生煎包都超大粒，做到外脆內軟爆曬汁，比出面食過嘅生煎包個汁冇咁鹹，可能有啲人嫌唔夠味，但我覺得幾好，會食到肉嘅鮮味

生煎包

麻醬手撕雞粉皮係粗身粉皮，連埋青瓜絲同雞絲麻醬，夏天食夠晒涼爽

鮮鮮雞湯小雲吞個湯真係唔錯！冇味精係飲得嘅質素，雲吞皮好滑，雖然雲吞細細粒但係肉都飽滿

上海排骨菜飯塊豬扒比較薄同埋乾身，單點$42來講算過得去啦，下次再來會叫返每人半打生煎包😎