米線樂•麻辣豬骨濃湯 (已結業)

-#米線樂出街食飯零味精食都食得健康安心。💛米線嘅湯底係無落味精，😇可以放心飲湯。#麻辣豬骨濃湯米線 湯底麻辣揀左中辣。配料選擇左💁🏻‍♀️墨魚頭$12同滷水雞腎$9麻辣味大概相等於譚仔嘅小辣。😚麻辣味香而溫和，唔係會嗆喉既辣。🙂墨魚頭彈牙而且大粒。滷水雞腎比較少係米線舖出現。爽口入味，都係唔錯嘅選擇。酸辣豬骨濃湯米線小辣大概係譚仔嘅三小辣再多少少🤏，酸辣與麻辣、我鍾意酸辣，因為味道更加有層次，😍鍾意佢嘅酸味係來自酸菜，酸得好自然，再加上微辣微辣咁，好開胃。😚令人不自覺飲多幾口湯。配💁🏻‍♀️治雞肉棒$12 黃金花枝丸$9治雞肉棒有兩大條，都幾抵食，雞肉打得細碎，🤩肉質軟綿綿，雞肉味幾香。黃金花枝丸大大舊，好香墨魚味，但質感就比較軟糯，😏如果係彈牙嘅話會更討我歡心。小食：麻辣墨魚咀併墨魚頭$42 辣油調校得唔錯，👌🏻香辣都夠。尖椒皮蛋$25皮蛋雖然唔係流心，👍🏻但都幾香無石灰味。玫瑰洛神花茶跟餐$12蜜桃烏龍茶更餐$12估唔到一間米線舖飲品👍🏻可以做得咁出色。🤩玫瑰洛神花茶天然微甜好清香解渴。蜜桃烏龍茶好濃郁，🥰蜜桃同烏龍互相配合又唔會搶大家風頭。