影片
更多
2019-05-07
799 浏览
好姊妹同我慶祝生日, 話要帶我食好西, 由時代廣場沿著鵝頸橋很容易就找到"E Molto Buono", 傻傻既我地有Lift唔搭行咗兩層樓梯😂入到餐廳感覺好舒服, 就好似私房法國餐廳, 店員安排我地坐近窗邊座位, 原來出面仲有露台, 望住銅鑼灣鬧市車來車往, 我地就好似喺後花園嘆緊一樣。成個過程令我又享受又滿意, 除咗食物質素非常高, 漂亮既擺盤, 味道亦無可挑剔, 店員"每上一度菜"都好細心同耐性(真係要大讚)講解, 亦會建議從邊樣開始食, 如果你有食過真係有質素既法國餐, 呢個晚餐既價錢絕對係性價比高。🔸生蠔🔸⭐⭐⭐⭐⭐店員推介兩款法國生蠔Pinky同Ancelin Special, 而家做緊買一送一(即係$44/隻), 我地又鍾意食生蠔, 就叫咗各兩隻。"Pinky" 入口先帶海水鹹味道, 鮮味多汁, 慢慢會食到少少蘑菇味, 好獨特既味道。"Ancelin Special" 鮮甜肥美creamy, 帶少少海水鹹味, 比較濃蠔味, 豐富既口感。識食生蠔應該原味食, 也可以加少少檸檬汁。🔸麵包配自製麵包醬🔸⭐⭐⭐⭐⭐麵包有三款配上自家製麵包醬非常可口, "香草茄子醬"同"辣肉腸南瓜
入到餐廳感覺好舒服, 就好似私房法國餐廳, 店員安排我地坐近窗邊座位, 原來出面仲有露台, 望住銅鑼灣鬧市車來車往, 我地就好似喺後花園嘆緊一樣。
成個過程令我又享受又滿意, 除咗食物質素非常高, 漂亮既擺盤, 味道亦無可挑剔, 店員"每上一度菜"都好細心同耐性(真係要大讚)講解, 亦會建議從邊樣開始食, 如果你有食過真係有質素既法國餐, 呢個晚餐既價錢絕對係性價比高。
🔸生蠔🔸⭐⭐⭐⭐⭐
店員推介兩款法國生蠔Pinky同Ancelin Special, 而家做緊買一送一(即係$44/隻), 我地又鍾意食生蠔, 就叫咗各兩隻。
"Pinky" 入口先帶海水鹹味道, 鮮味多汁, 慢慢會食到少少蘑菇味, 好獨特既味道。
"Ancelin Special" 鮮甜肥美creamy, 帶少少海水鹹味, 比較濃蠔味, 豐富既口感。
識食生蠔應該原味食, 也可以加少少檸檬汁。
🔸麵包配自製麵包醬🔸⭐⭐⭐⭐⭐
麵包有三款配上自家製麵包醬非常可口, "香草茄子醬"同"辣肉腸南瓜醬", 兩款都好味, 辣肉腸就比較濃味啲, 香草茄子比較都好味架, 另外仲可以點橄欖油同醋, 食完仲會想食, 但要留肚。
🔸西班牙紅蝦刺身薄片🔸⭐⭐⭐⭐⭐
第一次食紅蝦刺身, 蝦味非常濃郁鮮甜, 好好奇點樣將佢變成咁薄😂 上面點了幾款醬汁, 店員都一一介紹同建議食法, 我自己就比較鍾意配類似芒果一齊食, 好清新既味道。
🔸法式油鴨封腿塔🔸⭐⭐⭐⭐⭐
相對紅蝦刺身比較濃味, 中間夾住他他, 配埋脆麵包一齊食, 好豐富既口感。
🔸龍蝦濃湯🔸⭐⭐⭐⭐⭐
濃郁既龍蝦湯, 調味各樣都剛好, 不會過鹹而且保侍龍蝦鮮味。
🔸煙燻巴馬火腿車厘茄忌廉湯🔸⭐⭐⭐⭐⭐
可以先品嚐湯既原味, 再浸帶鹹既煙燻火腿, 會令個湯有不同層次, 巴馬火腿煙燻得好脆, 絕無欺場好香煙燻味, 加埋車厘茄忌廉又啱啱好。
🔸焗阿拉斯加蟹腳🔸⭐⭐⭐⭐⭐
又係無得輸系列, 大大啖蟹肉, 對比平時自助冷盤蟹腳, 我更愛焗到熱辣辣咁食。
🔸香煎鵝肝🔸⭐⭐⭐⭐⭐
香濃撲鼻, 口感柔嫩, 濃濃既鵝油香久久留在口中, 配上它的好拍檔麵包上, 底層有香甜多汁既桃肉, 令到成件事平衡哂。
🔸番石榴雪芭🔸⭐⭐⭐⭐⭐
主菜前來一杯雪芭清一清味蕾, 清爽哂~
🔸燴澳洲和牛牛面頰🔸⭐⭐⭐⭐⭐
和牛已經燴得好入味同肉質好淋, 近乎入口即溶既感覺, 配以豐富既蔬菜同牛肝菌玉米糕。
🔸紐西蘭深海海螯蝦意大利麵🔸⭐⭐⭐⭐⭐
採用高級食材海螯蝦, 肉質軟綿綿, 味道好鮮甜, 平時真係比較少食到, 配蟹肉露筍忌廉意粉, 細心既廚師在碟邊放咗清新既檸檬碎, 令到忌廉汁意粉不會膩口, 完美。
🔸甜品🔸⭐⭐⭐⭐⭐
先上一杯玫瑰花茶, 一口接一口💕
"櫻桃乳酪芝士慕絲配士多啤梨啫喱" 有乾冰霧化既襯托, 用朱古力寫上"Happy Birthday", 甜到入心💕
"紅茶焦糖燉蛋" 獨特既紅茶味, 我很喜歡。
仲有好特別既茉莉花味既蝴蝶酥都好味, 最後還有咖啡同榛子朱古力。
完美的一頓晚餐。 相信文字間都會感受到有幾咁好味, 高級既享受👍👍👍而家埋單前like and share Facebook同比cash, 可以揀"set dinner 95折" 或者85折coupon(無限期, 特別日子不能使用)留返下次用, 抵!抵!抵!
张贴
