兩三碗餃子

营业中

休息中

用餐時間（3:47pm late lunch）食物 🍲諗住食餃子，但見有蕃茄薯仔豬骨湯底，決定試吓個湯飯。餸菜多選擇，有蠔仔、醉雞絲、豬腰、豬膶、豬粉腸（麻麻地內臟🐽）。最後叫咗肥牛、蜆、娃娃菜。上菜8-10分鐘，湯底夠熱，第一啖試試原汁湯底，落足料煲感覺無乜味精，晤錯 👍🏽，只嫌擺盤有點求其。肥牛一片片重疊住（熟嘅），娃娃菜琳夠入味，蜆有驚喜，一碗有15-18隻，大部份都鮮味，只有1-2 粒沙，同埋有1-2 隻個殼碎咗，蜆算洗得乾淨。.食到一半，再加埋個蝦米辣菜脯，令到成碗嘢更惹味提鮮，差唔多飲晒成碗湯。😋.餃子 🥟姐姐包緊餃子，本身諗住叫多碟煎餃，不過食唔落。見周圍枱都食緊，餃子煎到燶邊，有冇肉汁就唔知，下次再試。