澳洲牛奶公司

营业中

休息中

一早知道有哩間餐廳，今日終於去左食。滿懷興奮心情去，結果係失望而歸。無錯，d炒蛋係好味，但其他野都麻麻地，唔難食但都唔係特別好食。30蚊有炒蛋多士牛肉通粉＋飲品，唔係話好唔抵既，但係我會寧願食其他野。我亦都一早聽講佢地d服務態度麻麻地，我預左佢地都係粗聲粗氣既姐，點知原來係講一句串一句個種。叫佢地落單又話轉頭，叫佢地轉頭落單又話就咁嗌出黎就得，我好有禮貌佢地就係度比說話我地聽。講咩都要串一餐，大佬呀，食一餐飯比人串左幾獲，心情愈食愈差。我唔會想再去食，亦唔會推介比朋友，因為印象太差了。強烈建議心情差個日唔好去食。