居食屋「和民」 (已結業)

去完博覽館玩跳彈床，所有人玩到散晒，但都要去食午餐（其實已經係下午茶時間）帶住三隻馬騮，最緊要好坐，日本餐廳係首選，去到唔使等位，仲可以坐到六人大卡位 ，但上手食客打瀉了豉油，侍應執枱睇唔到（成個豉油壺蓋都無咗都唔知）靠牆全部係豉油，我安排小孩坐靠牆位置，攪到一手都係 （好在無彈到衫）每枱有一個竹籃放筷子，但我哋全部筷子唔夠六對！ 我自己去對面枱攞！ 而本來每張枱都有一份餐牌，我呢張無咗，要問侍應攞番，終於點好菜，除了點菜同上菜之外，侍應好少理我呢張枱（死角位？），連斟茶都係我舉手叫先做，一次主動斟都無！平時日本餐廳見有小孩都會提供小孩餐具，呢度係無嘅，不過小孩有提供清水，大人提供茶！叫咗：溫泉蛋沙律--係平時凱撒沙律加隻溫泉蛋！不過效果好好，沙律菜爽口，沙律醬唔多，溫泉蛋撈埋一齊好滑，有蛋黃汁嘅濃味！仲有爽口嘅麵包粒！酸酸嘅蕃茄仔！好夾！東京牛肉飯--份量好夠，牛肉片肥美，溫泉蛋好滑，醬油配珍珠米好味道！面頭紅薑碎提味同解膩！有畫龍點睛嘅效果！鱈蟹肉鮭魚子卷--蟹肉絲好多，飯卷鬆軟！面頭三文魚子新鮮脆口！有蛋絲同沙律醬响面，唔點豉油都夠味！日本南瓜蕃薯天婦羅--南瓜蕃薯薄切！