燒蝦蝦 (興泰大廈) (已結業)

早一個星期預訂五人，去到話要分開坐4/2人枱，分開之餘兩張枱中間仲要隔住牆（2人枱其中一個位全遮擋，無可能傾到計），職員係咁話其他客12人都係咁分枱，頂你12人分6/6人枱好正常，我地5人你叫我地4/1咁坐，玩咩？！仲要講到益左我地分枱先有兩個爐喎，之後搞左一輪，先話有隔開條路既4/2人枱，都算喇坐低食野。開爐燒野食，但個爐係廢既，又弱又細，一啲都唔比力，雖然有好多海鮮比你揀，公道啲講句啲海鮮都新鮮嘅，但主打的蝦就唔掂，大部分係缸都反曬肚，就算新加都死得七七八八，而野食就因為個爐既關係好似吽熟咁，全晚食得好少野，只係不斷飲凍飲同食雪條，因為個環境超熱超焗，無冷氣無咩抽風，廿幾張枱同時開爐，我諗餐廳有成30度以上，熱拿死，未燒夠時間就埋單走人，唔會有下次。