薯芝味 (已搬遷) 新店位置

本準備係開源道工廈買野，對東廣場近年才開始的民營食店食店早有耳聞，黎其中一間不論鋪面裝修定主題皆有些新意的小店試試。一間以焗薯為主題的新店，小弟對忌廉意大利粉有特別僻好，點都要試。黑松露忌廉磨菇意粉加個菠菜汁蝦仁意粉再配此店招牌菜，五重芝味焗薯。首先，黑松露配忌廉係小弟食意粉最喜歡的組合，此店大廚聽店員工說是前某大西餐廳學師多年，加上他們用料、配味等不手軟，味濃粉香，是小弟試過咁多間忌廉粉中頭三甲👍🏼讚！菠菜汁蝦仁意粉走清香路線，食開中庸味既小弟太太則較喜歡五重芝味焗薯其實就係一大囗薯配五種味，招牌芝士、香草蕃茄、蜜糖芥末、藍芝士、甜椒千𡷊，個人比較喜歡芥末味，內人則偏好香蕃。焗薯本身就冇乜味，要食落令人回味就只能靠醬汁調味料。算唔錯，值得再試👍🏼👍🏼