影片
更多
2021-03-07
3758 浏览
自己一向都几钟意嚟呢度食越南菜，尤其系佢嘅越式牛油焗大虾头🍤，今次同朋友嚟食，我哋叫咗一份午餐，另外再叫咗一份牛油大虾头。买单计每人都系百零蚊左右，特别想提一提嘅系，呢到店员服务都非常好。一坐低嘅时候，餐厅准备嘅餐具都非常完备，绝对好似已经知道我哋会来食海鲜一样。特别欣赏佢嘅系会为我哋准备消毒湿纸巾，真系任何时候都用得着。我哋落单，叫咗个生牛肉汤粉，$59，包一杯饮品，咁我哋就叫咗滴漏咖啡，因为始终系越南餐厅，梗系要叫番啲有越南特色嘅饮品。咖啡一嚟到嘅时候，就会见到佢一个好热嘅铁壸，面有咖啡慢慢咁样滴出嚟，而下面就厚厚的一层炼奶。一路滴嘅时候，香气慢慢渗出嚟，咖啡系好苦嘅，但有咗炼奶之后，就温和好多。由于我钟意饮冻饮，所以餐厅亦都另外加咗个冰底俾我。生牛肉河粉送上黎，我可以讲，我最钟意嘅除咗系佢嘅牛肉之外，牛肉非常嫩口，系有牛味，冇雪藏味。仲好钟意佢个汤底，甜甜嘅牛骨汤，令到成碗牛肉河粉嘅质素升华左，饮落去嘅时候，绝对唔会感觉系一碗味精汤。河粉亦都非常高质素，条条分明。之后就到重头戏，牛油焗大虾头，$228，我有一个好深嘅印象就系一嚟到嘅时候，全部人都望住我个牛油焗大头虾。我估背后个原
一坐低嘅时候，餐厅准备嘅餐具都非常完备，绝对好似已经知道我哋会来食海鲜一样。特别欣赏佢嘅系会为我哋准备消毒湿纸巾，真系任何时候都用得着。
我哋落单，叫咗个生牛肉汤粉，$59，包一杯饮品，咁我哋就叫咗滴漏咖啡，因为始终系越南餐厅，梗系要叫番啲有越南特色嘅饮品。
咖啡一嚟到嘅时候，就会见到佢一个好热嘅铁壸，面有咖啡慢慢咁样滴出嚟，而下面就厚厚的一层炼奶。
一路滴嘅时候，香气慢慢渗出嚟，咖啡系好苦嘅，但有咗炼奶之后，就温和好多。由于我钟意饮冻饮，所以餐厅亦都另外加咗个冰底俾我。
生牛肉河粉送上黎，我可以讲，我最钟意嘅除咗系佢嘅牛肉之外，牛肉非常嫩口，系有牛味，冇雪藏味。仲好钟意佢个汤底，甜甜嘅牛骨汤，令到成碗牛肉河粉嘅质素升华左，饮落去嘅时候，绝对唔会感觉系一碗味精汤。
河粉亦都非常高质素，条条分明。
之后就到重头戏，牛油焗大虾头，$228，我有一个好深嘅印象就系一嚟到嘅时候，全部人都望住我个牛油焗大头虾。
我估背后个原因系因为，因为佢一嚟嘅时候真系好香，而且亦都好大份，特别欣赏厨师嘅心机，佢将成个大虾头夹唔同部份都整得非常香脆，而且牛油味非常香浓，连啲肉都系起晒肠，细心。食落去嘅时候，虾嘅肉非常之弹牙，好有肌肉。而且我仲一定要反覆去捞啲牛油🧈，更加好味。
最后食完呢未咁重口味嘅菜，我梗系要饮返杯热柠茶来消滞啦。
张贴
