李家 (山林道)

营业中

休息中

講到韓式炸雞又點少的呢間餐廳，由韓國人主理，稱得上係香港第一代韓式炸雞專門店。炸雞口味眾多，甜辣、大蔥、蜂蜜蒜蓉、芝士、粟米、咖喱味等，可單點或雙拼，可帶骨或無骨。炸雞即叫即炸，新鮮熱辣辣上，私心推介原味，外層炸至酥脆可口，就算放咗陣都仍然Keep到，咬落Juicy啖啖肉，令人忍唔住一啖接一啖。小食方面有炸魷魚酥，炸粉薄身，肉質彈牙，雖然預咗唔會係新鮮嘅，但至少感覺OK，搭配醬汁可降低油膩感。年糕餃子湯用鍋上，年糕QQ哋，片狀無咁飽肚，餃子有成六大粒，皮薄餡多，湯飲落暖胃，值得一試。唔夠飽嘅可以叫烏冬或者辛辣麵，質感滑嘟嘟，軟硬程度適中，建議可以將麵放入湯度，仲正。